Օմիկրոն շտամով վարակված քաղաքացիները Հայաստան են եկել ԱՄՆ-ից եւ Եգիպտոսից
Հայաստանում մինչ օրս կորոնավիրուսի օմիկրոն շտամի երկու "բերովի" դեպք է գրանցվել։ Վարակված քաղաքացիները միջին տարիքի մարդիկ են, Հայաստանի քաղաքացիներ, որոնք Հայաստան են եկել ԱՄՆ-ից եւ Եգիպտոսից։ Այս մասին լրագրողների հետ զրույցում հայտնել է Հիվանդությունների վերահսկման եւ կանխարգելման ազգային կենտրոնի Վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը։
Պացիենտները թեթեւ են տանում հիվանդությունը, թոքաբորբ չունեն եւ տնային պայմաններում են բուժվում։ Մասնագետի խոսքով, չի կարելի բացառել, որ վիրուսը այս պացիենտներից կարող է տարածվել, քանի որ "Հայաստանը չի կարող առանձնացվել այլ երկրներից, այդ թվում Եվրոմիության զարգացող եւ զարգացած երկրներից; բնականաբար եթե այնտեղ տարածվել է, կարող է տարածվել նաեւ Հայաստանի Հանրապետությունում"։
Օմիկրոնը, Ռոմելլա Աբովյանի խոսքով, ավելի արագ է տարածվում, քան վիրուսի նախորդ շտամները (դելտա շտամով մեկ պացիենտը միջինում 7 հոգու է վարակում, իսկ օմիկրոն շտամով պացիենտը՝ 5 անգամ ավելի), սակայն վարակը ավելի թեթեւ է ընթանում՝ հիմնականում ախտահարելով վերին շնչուղիները; հիվանդությունը ուղեկցվում է քթից արտահոսքով, կոկորդի ցավով եւ շատ ավելի հազվադեպ է թոքաբորբ առաջացնում։
Սակայն այս շտամը, մասնագետի խոսքով, ավելի վտանգավոր է երեխաների համար։ Եթե նախորդ շտամների պարագայում երեխաները կարող էին անախտանիշ տանել վարակը, ապա օմիկրոնի պարագայում ախտանշաններով վարակը շատ ավելի հաճախ է ի հայտ գալիս։
Ինչ վերաբերվում է պատվաստումներին, ըստ մասնագետների, կորոնավիրուսի նոր շտամից վարակվելուց ամենալավ պաշտպանությունն է ապահովում բուստերային պատվաստանյութը։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Տեր ենք կանգնելու մեր ընտրական իրավունքին. արտերկրում ապրող ՀՀ քաղաքացիներ
Ինչո՞ւ են իշխանությունները թիրախավորել դատավորին. «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...