Մոլդովան չի կարողանում ժամանակին կատարել վճարումները «Գազպրոմ»-ին. երկրում գազային ճգնաժամի պատճառով 60 օրով արտակարգ դրություն կմտցվի
Մոլդովայի կառավարությունը չորեքշաբթի կայացած նիստում հաստատել է գազային ճգնաժամի պատճառով 60 օրով արտակարգ դրություն մտցնելը, գրում է ՏԱՍՍ-ը։
«Որոշումը հաստատվել է: Այն պետք է հաստատի նաև խորհրդարանը: Դրանից հետո Արտակարգ իրավիճակների հանձնաժողովը մի շարք միջոցներ կձեռնարկի սպառողների գազամատակարարումն անխափան ապահովելու համար», - ասել է վարչապետ Նատալյա Գավրիլիցան:
Նա հիշեցրել է, որ նախօրեին «Գազպրոմ»-ից ծանուցում էր ստացվել հանրապետություն գազի մատակարարման հնարավոր դադարեցման մասին, եթե գազաբաշխիչ «Մոլդովագազ» ընկերությունը չվճարի վառելիքի ընթացիկ սպառման համար։
Անցյալ տարվա հոկտեմբերին «Մոլդովագազ»-ը և «Գազպրոմ»-ը հինգ տարով երկարաձգել են վառելիքի մատակարարման պայմանագիրը։ Դրա կարևոր դրույթը մինչև յուրաքանչյուր ամսվա 20-ը նախորդ ամսում սպառված գազի արժեքի, ինչպես նաև ընթացիկ ամսում սպառված ծավալի կեսը վճարելու պայմանավորվածությունն էր։
Անցյալ տարվա նոյեմբերին հանրապետությունը չի կարողացել անել վճարումները և «Գազպրոմ»-ից ծանուցում ստացել 48 ժամում գազի մատակարարումը հնարավոր դադարեցնելու մասին։ Այնուհետև բացակայող միջոցները հատկացրել է հանրապետության կառավարությունը։
Հունվարին «Մոլդովագազ»-ի ղեկավար Վադիմ Չեբանը հայտնել էր, որ ընկերությունը կրկին ֆինանսական դժվարությունների է բախվել հանրապետությունում սակագների ժամանակին չճշգրտման պատճառով։ Այս իրավիճակում ընկերությանը պակասում է մոտ 25 մլն դոլար՝ մինչև հունվարի 20-ը պարտավորությունները մարելու համար։
Ինչպես հաղորդել է Գավրիլիցան, Քիշնևը նախօրեին «Գազպրոմ»-ից նոր նախազգուշացում է ստացել։ Իշխանությունները դիտարկում են սպառողներին գազի մատակարարման դադարեցումը կանխելու համար լրացուցիչ միջոցներ հատկացնելու տարբերակները։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ինչո՞ւ են իշխանությունները թիրախավորել դատավորին. «Փաստ»
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն