Թուրքիայում տարեկան գնաճը հասել է գրեթե 20 տարվա առավելագույն ցուցանիշին

Թուրքիայում տարեկան գնաճը հասել է գրեթե 20-ամյա առավելագույնին եւ կազմել է 49 %՝ էլ ավելի խաթարելով նույնիսկ ամենաանհրաժեշտ իրերը գնելու մարդկանց ունակությունը, ինչպիսին է սննդամթերքը, հաղորդում Է AP-ն։

Թուրքական վիճակագրական ինստիտուտը հաղորդել Է, որ սպառողական գների ինդեքսը հունվարին նախորդ ամսվա համեմատ աճել է ավելի քան 11 տոկոսով: Ըստ տվյալների՝ սննդամթերքի գների տարեկան աճը կազմել է ավելի քան 55 տոկոս։

Գնաճի մակարդակն ամենաբարձրն է եղել 2002 թվականի ապրիլից ի վեր երկրում, որը բախվել է տոկոսադրույքների իջեցման շարքի հետեւանքով առաջացած տնտեսական ցնցումներին եւ արժութային ճգնաժամին։

Նախագահ Ռեջեփ Թայիփ Էրդողանն իրեն հայտարարել է բարձր տոկոսադրույքների «թշնամի»՝ պնդելով, որ դրանք գնաճի պատճառ են դառնում․ այդ մի դիրքորոշում է, որը հակասում է հաստատված տնտեսական մտածողությանը։

Թուրքիայի կենտրոնական բանկը սեպտեմբերից իջեցրել է դրույքները հինգ տոկոսային կետով  մինչեւ 14%՝ մինչեւ հունվարին նվազումը կասեցնելը:

Այս շաբաթ Էրդողանը խոստացել է, որ իր կառավարությունը «ամեն ամիս կրճատելու է բարձր գնաճի պարույրը» եւ ամբողջությամբ վերացնելու է այն «որոշ ժամանակ անց»:

Ընդդիմադիր կուսակցությունները կասկածի տակ են դրել թուրքական վիճակագրական ինստիտուտի անկախությունը եւ վիճարկել են դրա տվյալները։ Գնաճի հետազոտության անկախ խումբը Թուրքիայում տարեկան փաստացի գնաճը գնահատել է ապշեցուցիչ 114,87 տոկոսի։

Անցյալ շաբաթ Էրդողանը փոխեց վիճակագրական ինստիտուտի ղեկավարին։ Այդ փոփոխության պատճառը չի նշվել։