Աշխարհում ալյումինիումի դեֆիցիտ է կանխատեսվում

2022թ. աշխարհում ալյումինիումի դեֆիցիտը կարող է կազմել 1,6-1,7 միլիոն տոննա, կանխատեսել են BCS-ի վերլուծաբանները UC Rusal-ի ղեկավարության հետ հանդիպման արդյունքների հիման վրա։ Ինչպես նշել են փորձագետները, դա կարող է հանգեցնել մետաղների գնի ընդհանուր բարձրացման, տեղեկացնում է Forbes-ը։

Վերջին կես տարում ալյումինիումի գինը բարձրացել է 24 տոկոսով՝ կազմելով մեկ տոննան ավելի քան երեք հազար դոլար, եւ մոտեցել է տասնամյա առավելագույնին։

Վերլուծաբանների կանխատեսմամբ՝ ալյումինիումի թողարկման ընդհանուր ծավալը Չինաստանում 2022թ. կարող է ավելանալ՝ հասնելով 40,3-40,4 մլն տոննայի, 2021թ. այն կազմում էր 39 մլն տոննա։ Անհավասարակշռությունը շուկայում կարող է սկսվել Չինաստանում անբարենպաստ եղանակային պայմանների պատճառով, ինչի հետեւանքով մեծ կլինի մետաղի գնի աճի հավանականությունը։