Ինչպես Բայդենը կորցրեց Սաուդյան Արաբիան․ Էր-Ռիադի և Պեկինի հաջող բանակցությունները կարող են ԱՄՆ-ի համար լուրջ կորուստների պատճառ դառնալ․ WSJ
Սաուդյան Արաբիայի և Չինաստանի միջև բանակցությունները նավթը դոլարի փոխարեն յուանով վաճառելու վերաբերյալ ևս մի «պոտենցիալ զգալի կորուստ» կդառնան ԱՄՆ-ի համար, որը երկիրը կկրի Ջո Բայդենի վարչակազմի կողմից ռազմավարական դաշնակցի նկատմամբ արհամարհական վերաբերմունք ցուցաբերելու հետևանքով, ասվում է The Wall Street Journal պարբերականի խմբագրականում։
Ինչպես հիշեցնում է թերթը, դեռ 1974 թվականին ԱՄՆ-ից անվտանգության երաշխիքների դիմաց Սաուդյան Արաբիան պարտավորվել է նավթի առքուվաճառքն իրականացնել բացառապես ամերիկյան արտարժույթով, սակայն ներկայիս նախագահի վարչակազմը պարբերաբար խախտում է այս պայմանավորվածությունը, ինչն էլ արդեն հոգնեցրել է սաուդցիներին։
Հոդվածագիրն օրինակ է բերում ԱՄՆ-ի՝ Յեմենում հուսիթների դեմ Սաուդյան Արաբիայի մղած պատերազմին աջակցության դադարեցումն ու հուսիթների նկատմամբ ահաբեկիչների կարգավիճակը հանելու որոշումը, որին հաջորդել է նաև Էր-Ռիադի համար նախատեսված զինամթերքի վաճառքի հետաձգումը։
«Սա անվտանգության ոլորտում իսկական ապտակ դարձավ, և իրավիճակը հաջողվեց կագավորել միայն նախորդ տարվա վերջին», - գրում է թերթը։
Բացի այդ, Էր-Ռիադը «սարսափով» է հետևում Բայդենի կողմից Իրանի միջուկային ծրագրի շուրջ նոր գործարքի համաձայնեցմանը, որը Թեհրանին նոր ռեսուրսներ կապահովի։
Միևնույն ժամանակ Պեկինն ուրախ է գոյացած բացը լրացնելու հնարավորությանը և բանակցություններում հաջողության գրանցման դեպքում կարող է զգալի օգուտներ քաղել։ Ինչպես գրում է պարբերականը, ԱՄՆ-ի՝ Սաուդյան Արաբիայի նկատմամբ նման սխալները վկայում են միայն Բայդենի «առաքինի լիբերալ ինտերնացիոնալիզմի» վարկածի թերություններ մասին։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»