Հայաստանը Ռուսաստանի հետ քննարկում է գազի դիմաց ռուբլով վճարման հնարավորությունը. ՀՀ փոխվարչապետ
Հայաստանը Ռուսաստանի հետ քննարկում է գազի դիմաց ռուբլով վճարման հնարավորությունը, այս մասին Ազգային ժողովում կառավարության հետ հարցուպատասխանի ժամանակ հայտարարեց փոխվարչապետ Մհեր Գրիգորյանը ի պատասխան «Քաղաքացիական պայմանագիր» խմբակցության պատգամավոր Սերգեյ Բագրատյանի հարցի, թե դիտարկվում է արդյոք նման հնարավորությունը։
«Այո՛, պարո՛ն Բագրատյան, քննարկվում է, որովհետև նաև քննարկվում է ԵԱՏՄ մաքսատուրքերի բաշխման արժույթի խնդիրը, որի քննարկման օրակարգում, բնականաբար, երկրները ներկայացնում են նաև իրենց առաջարկությունները և, բնականաբար, երկրները, նախևառաջ՝ առաջարկություններ են ներկայացնում, որ այդ հարցի լուծմանը զուգահեռ լուծվեն ամենախոշոր ներմուծման դիմաց արտարժույթ արտահանող գործիքների հարցը: Ես հիմա չեմ կարող խոստանալ, որ այդ հարցը լուծում կունենա, որովհետև կան օբյեկտիվ պայմաններ, բայց, այնուամենայնիվ, այսօր այդ հարցը արդեն քննարկվում է նաև հանրային տիրույթում ու ինչ-որ պահի կդառնա օրակարգային»,- ասաց ՀՀ փոխվարչապետը:
Սերգեյ Բագրատյանի հարցին, թե արդյոք չի նախատեսվում պարենային որոշ ապրանքների արտահանման քվոտավորում սահմանել, ՀՀ փոխվարչապետը պատասխանեց, որ պետք է պատրաստվել մարտահրավերներին՝ հավելելով, որ ԵԱՏՄ խորհրդի նիստ են ունեցել ու բավականին երկար քննարկվել է այս հարցը։
«Որովհետև միայն լոկալ արտադրությամբ բոլոր խնդիրները հնարավոր չի լինի լուծել օբյեկտիվ ու ֆիզիկապես հնարավոր չի, մենք որքան էլ մտածենք, ինչքան էլ պահուստների կոնֆիգուրացիա փոխենք, այնուամենայնիվ, ապրանքների շարժ առնվազն ԵԱՏՄ տարածքում պետք է տեղի ունենա, որպեսզի լիարժեք այդ խնդիրները լուծվեն և դա միայն Հայաստանին չի վերաբերում, դա վերաբերում է բոլորին: Այդ իմաստով կա հստակ պայմանավորվածություն, որ մինչև մարտի 25-ը հանձնաժողովը պետք է փոխադարձ բալանսների հաշվարկ իրականացնի և սահմանի այն քվոտավորված հոսքը, որն անհրաժեշտ կլինի ԵԱՏՄ երկրների պարենային անվտանգությունն ապահովելու համար»,- հայտարարեց ՀՀ փոխվարչապետը:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Բեյջի թելերից ավելի ուշագրով գնումներ էլ են եղել
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Հանդիպեցի մեր հայ երիտասարդների հետ ու վստահ ասում եմ՝ մեր ապագան վստահելի ձեռքերում է․ Նարեկ Կարապե...