EFSE-ն և ԱրարատԲանկը մեկտեղում են ջանքերը՝ աջակցելու Հայաստանի ՄՓՄՁ-ներին
Հարավարևելյան Եվրոպայի եվրոպական հիմնադրամը (EFSE) հինգ տարի մարման ժամկետով $10 միլիոն է տրամադրել ԱրարատԲանկին:
Բանկից հայտնել են, որ կֆինանսավորվեն ռուս-ուկրաինական պատերազմով պայմանավորված տնտեսական, սոցիալական և անվտանգային մարտահրավերներից տուժած միկրո, փոքր և միջին ձեռնարկությունները (ՄՓՄՁ): Առաջնահերթությունը կտրվի ճգնաժամի ուղղակի ազդեցության տակ գտնվող ոլորտներին:
«Ֆինանսավորման միջոցների շարունակական հասանելիություն տրամադրելով ՄՓՄՁ-ներին՝ այս ֆինանսական գործիքը կօգնի նրանց շարունակել գործունեությունը և դիմակայել լարված իրավիճակում գործող մատակարարման շղթայի և լոգիստիկ ենթակառուցվածքի աճող մարտահրավերներին:
Ֆինանսավորումը հնարավորություն կտա ԱրարատԲանկին ավելի ընդլայնել վարկավորման ծավալները՝ տրամադրելով ավելի երկար մարման ժամկետով ավելի քան 700 նոր ենթավարկ, որը կնպաստի Հայաստանի գործարար միջավայրի և տնտեսության դիմակայունության ամրապնդմանը: Ներդրումը կնպաստի ԿԶՆ 8-ի (Տնտեսական աճ) եւ ԿԶՆ 9-ի (Արդյունաբերական նորարարություն և ենթակառուցվածք) իրագործմանը»,- ասված է բանկի տարածած հաղորդագրությունում:
EFSE-ի Խորհրդի նախագահ Կլաուս Մյուլլերը նշել է․ «Դրամական հոսքերի և կենսականորեն կարևոր ռեսուրսների հասանելիության վրա բացասական անդրադարձի հետևանքով ճգնաժամերի ժամանակ առաջինը տուժում են միկրո, փոքր և միջին ձեռնարկությունները: Այս նոր ֆինանսավորումը հնարավորություն կտա EFSE-ի երկարամյա գործընկեր ԱրարատԲանկին այս բարդ ժամանակներում խիստ անհրաժեշտ ֆինանսական աջակցություն տրամադրել հայաստանյան ՄՓՄՁ-ներին»:
ԱՐԱՐԱՏԲԱՆԿ ԲԲԸ Վարչության նախագահ Մհեր Անանյանն էլ իր հերթին նշել է, որ EFSE-ի հետ երկարամյա համագործակցությունը խոսում է փոխվստահության հիման վրա կառուցված արդյունավետ և ամուր գործընկերության մասին։
«2010թ․-ից ի վեր EFSE-ից ներգրավված միջոցներով իրականացվել է 8 ծրագիր՝ ընդհանուր $63 միլիոնի չափով։ Ցուցանիշներով խոսելն, անխոս, տպավորիչ է, բայց պետք է նաև խոսքով փաստենք, որ EFSE-ի հետ գործընկերային հարաբերությունները զգալիորեն նպաստել են միկրո, փոքր և միջին ձեռնարկությունների խթանմանը Հայաստանում»,- ասել է Մհեր Անանյանը։
Բանկից հիշեցրել են, որ դեռ 2019թ․-ին հիմնադրամը $10 միլիոնին համարժեք բազմարժութային վարկ է տրամադրել ԱրարատԲանկին՝ նպաստելով ազգային արժույթով վարկերի տրամադրմանը և զերծ պահելով ծրագրի շահառուներին արտարժութային ռիսկերից:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը