Արևային պանելներով և մարտկոցներով տնային տնտեսությունները հսկայական առավելություն ունեն էլեկտրամեքենաների վրա գումար խնայելու հարցում

Android-robot.com–ը գրում է, որ Հարավային Ավստրալիայի համալսարանը (UniSA) բացատրել է, որ արևային պանելներով և մարտկոցներով տնային տնտեսությունները հսկայական առավելություն ունեն էլեկտրամեքենաների վրա գումար խնայելու հարցում: 

 Աշխարհում էլեկտրամեքենաների վաճառքի կտրուկ աճով պայմանավորված պոտենցիալ գնորդները կշռադատում են ոչ միայն գինը, այլ նաև կանաչ մեքենաների լիցքավորման լոգիստիկան և ծախսերը: UniSA-ի ինժեներները հաշվարկել են, որ էլեկտրամեքենաների սեփականատերերը կարող են նվազեցնել իրենց տարեկան էլեկտրաէներգիայի վճարները գրեթե 40%-ով, եթե տնային տնտեսությունները լիովին կախված չլինեն ցանցից և էլեկտրաէներգիա լիցքավորեն տանը ոչ պիկ ժամերին:

Renewable Energy-ում հրապարակված նոր հոդվածում պրոֆեսոր Մահֆուզ Ազիզը և նրա գործընկերները անդրադարձել են էլեկտրամեքենաների սեփականատերերի մտահոգություններին լիցքավորման ծախսերի վերաբերյալ, որը էկոլոգիապես մաքուր մեքենայի ընտրության հիմնական խոչընդոտներից մեկն է: «Էլեկտրամեքենաները կդառնան տնային տնտեսությունների էներգիայի սպառման կարևոր բաղադրիչ ամբողջ աշխարհում՝ հաջորդ տասնամյակում բենզինային մեքենաները փոխարինելու պլաններին համապատասխան, - ասել է պրոֆեսոր Ազիզը,– «Անձնական կայանատեղի ունեցող վարորդների համար տան լիցքավորումը ամենահարմար տարբերակն է, բայց նրանց համար, ովքեր դեռևս ամբողջովին կախված են էլեկտրական ցանցից՝ ծախսերը կարող են զգալիորեն աճել»: Տանիքներին տեղադրվող ֆոտոգալվանային (ՖՎ) համակարգերի ռեկորդային ցածր գները և մարտկոցների ծախսերի նվազումը խթանում են տնային տնտեսություններին «կանաչելու», սակայն սպառողները պետք է հաշվի առնեն բազմաթիվ փոփոխականներ, ասում են հետազոտողները:

Օգտագործելով Հարավային Ավստրալիայից ստացված տվյալները, որտեղ տների ավելի քան 40%-ի տանիքներին արևային մարտկոցներ կան, հետազոտողները համեմատել են տնային տնտեսությունների մի քանի սցենարներ հաշվի առնելով էլեկտրամեքենաների լիցքավորման պահանջարկը, ֆոտոգալվանային արևային վահանակների տեղադրման արժեքը, մարտկոցի մաշվածությունը և կարողությունների սահմանափակումները: Հիմնվելով տնային տնտեսությունների սովորական էներգիայի սպառման վրա (17 կՎտ/օր Հարավային Աֆրիկայում) և միջին օրական մեքենա վարելու հեռավորությունը (36,7 կմ Ավստրալիայում), հետազոտողները վերլուծել են տարեկան էներգիայի ծախսերը բենզինով և էլեկտրական մեքենաներով տնային տնտեսությունների համար:

Նրանք նաև վերլուծել են էներգիայի սպառումը պիկ ժամանակահատվածներում՝ երեկոյան 17:00-ից 21:00-ն ընկած ժամանակահատվածում: «Հիմնականում ամբողջ էներգիան լիցքավորվում է ցանցից, եթե չկան արևային մարտկոցներ, - ասում է պրոֆեսոր Ազիզը,–արևային մարտկոցների ավելացմամբ մոտ 20%-ով պակաս էներգիա է ծախսվում, իսկ մարտկոցների դեպքում այս ցուցանիշը կրճատվում է մոտ 83%-ով։ Էլեկտրական մեքենաների ավելացման դեպքում էներգիայի սպառումը զգալիորեն ավելանում է, սակայն արևային էներգիան կարող է կրճատվել ընդհանուր սպառման մոտ 89%-ը»։ «Մեր արդյունքները ցույց են տալիս, որ բենզինային մեքենաներով տնային տնտեսությունները կարող են նվազեցնել իրենց տարեկան էլեկտրաէներգիայի ծախսերը 6,71%-ով արևային մարտկոցներով և 10,38%-ով մարտկոցների համակարգի ավելացմամբ: Բենզինով աշխատող մեքենաները էլեկտրամեքենաներով փոխարինելը կարող է նվազեցնել էներգիայի տարեկան ծախսերը համապատասխանաբար 24%-ով և 32%-ով։ Ամենաէական կրճատումը (39,6%) կարելի է հասնել ոչ պիկ ժամերին լիցքավորման դեպքում»:

Ըստ Drive.com-ի էլեկտրամոբիլների հանրաճանաչությունն ամբողջ աշխարհում արագորեն աճում է, և ենթադրվում է, որ մինչև 2030 թվականը ճանապարհներին կլինի 145 միլիոն էլեկտրամեքենա՝ ներկայիս 11 միլիոնի դիմաց: Չնայած համաճարակին, 2020 թվականին Էլեկտրասամեքենաների համաշխարհային վաճառքն աճել է 43%-ով, թեև դրանք կազմել են Ավստրալիայում տրանսպորտային միջոցների ամբողջ վաճառքի միայն 0,7%-ը: Այնուամենայնիվ, Նոր Հարավային Ուելսում բոլոր նոր մեքենաների վաճառքի առնվազն 50%-ը ակնկալվում է, որ մինչև 2030 թվականը էլեկտրական կլինի, և ակնկալվում է, որ մյուս նահանգները ևս կհետևեն այդ միտումին:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէլերգիայի ծախսը 
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]