Հայաստանում կտրուկ ավելացել է արևային էներգիան օգտագործողների թիվը
Հայաստանում կտրուկ ավելացել է արևային էներգիան օգտագործող անհատների և կազմակերպությունների թիվը։
4 տարում այն աճել է գրեթե 4 անգամ։
Էներգետիկայի հայկական գործակալության տվյալներով 2022 թվականի դեկտեմբերի 1-ի դրությամբ հայկական էլեկտրական ցանցերին միացված են 9835 ինքնավար արևային կայան և ընթացքում են 691-ի միացման աշխատանքները, այն դեպքում, երբ 2019 թվականին կայանների թիվը երկրում եղել է 1944։
2020թվականից հետո գրանցվել է ավելի քան կրկնակի աճ։ Հայաստանի կառավարության էներգետիկայի բնագավառի զարգացման ռազմավարական ծրագրով նախատեսվում է մինչև 2030 թվականը արևային էներգիայի արտադրության մասնաբաժինը ընդհանուրի մեջ հասցնել մինչև 15 %-ի, ինչը սակայն չափազանց քիչ է, եթե հաշվի ենք առնում աշխարհում այսօր տեղի ունեցող արևային բումը։
Ավելին, փորձագետների կարծիքով՝ Հայաստանը ավելի շուտ կհատի 15 %-ի նշագիծը։ Այսօր արևային էներգիայի արտադրության մասնաբաժինը կոպիտ հաշվարկներով կազմում է ընդհանուրի 7-8 %-ը։ Թեև հարևան երկրների համեմատ այս ցուցանիշը գուցե և բարձր է, սակայն Հայաստանը կարող է և ավելի բարձր ցուցանիշ ապահովել և ավելի արագ տեմպերով զարգանալ,- նշում են փորձագետները, իսկ ոլորտի առավել արագ տեմպերով զարգացմանը խաչընդոտում են մի շարք օբյեկտիվ և սուբյեկտիվ հանգամանքներ թե՛ կորոնավիրուսի համավարակը, թե՛ արցախյան 44-օրյա պատերազմը, երկրի անկայուն վիճակը, ինչպես նաև իշխանությունների քաղաքական կամքի բացակայությունը։
Մեր երկրում, որտեղ արևային վահանակներ արտադրող ընդամենը մեկ ընկերություն կա՝ «Սոլարոնը», ահռելի պոտենցիալ ունենք արևային կայանների զարգացման ուղղությամբ, և հարկավոր է այդ ուղղությամբ գործուն քայլեր ձեռնարկել, իսկ դրա համար միայն մասնավորի ջանքերը բավարար չէ, ոլորտի կայուն զարգացումը ուղղակիորեն կապված է պետության կողմից ոլորտի կանոնակարգման մեխանիզներից։
Անի Մկրտչյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը