Պիրինեյան թերակղզու առաջին հիբրիդային էլեկտրակայանը սկսել է աշխատել
Ntdtv.ru-ն գրում է, որ Պիրինեյան թերակղզու առաջին հիբրիդային էլեկտրակայանը սկսել է աշխատել: Այն գործարկել է պորտուգալական EDPR ընկերությունը։ Կայանը գտնվում է Լիսաբոնից մոտ 300 կիլոմետր հեռավորության վրա։
Նախկինում այնտեղ աշխատում էին միայն հողմային տուրբիններ, իսկ այժմ դրանց ավելացվել են 17000 արևային մարտկոցներ։ Դրանք զբաղեցնում են վեց ֆուտբոլային դաշտի չափ տարածք։ Էլեկտրակայանը տարեկան կարտադրի 36,5 գիգավատ էլեկտրաէներգիա, և այն կտրամադրի 30 հազար մարդու։
«Մենք այդ նախագիծը սկսել ենք հինգ տարի առաջ: Մենք համատեղել ենք վերականգնվող էներգիայի աղբյուրների միջոցով էլեկտրաէներգիա արտադրելու երկու տեխնոլոգիա։ Դա մեզ թույլ է տվել օգտվել տարածաշրջանում արդեն գոյություն ունեցող ենթակառուցվածքներից»,- պատմել է EDP Renovaveis ընկերության աշխատակից Դուարտե Բելլին։
Պորտուգալիան ունի շատ արև և ուժեղ քամի: Սրանք բարենպաստ պայմաններ են էներգիայի այլընտրանքային աղբյուրներին անցնելու համար։ Հիմա դրանք արտադրում են երկրի ողջ էլեկտրաէներգիայի 60%-ը։ Մինչեւ 2026 թվականը այդ ցուցանիշը պետք է հասցվի 80 տոկոսի։ Նոր հիբրիդային էլեկտրակայանը շահագործվում է արդեն մի քանի շաբաթ։
«Սա էլեկտրակայանների առաջին սերունդն է, որը միավորում է երկու տեխնոլոգիա՝ քամու և արևային: Երկրորդ և երրորդ սերունդները կունենանք, եթե մենք համատեղենք հիդրոէլեկտրակայաններն ու մարտկոցային կայանները առաջին երկու տեխնոլոգիաների հետ։ Այնպես որ ապագայում մենք համատեղելու ենք ոչ միայն երկու, այլև չորս տեխնոլոգիաներ»,- պատմել է EDP Renovaveis ընկերության աշխատակից Դուարտե Բելլին։
EDPR-ը վերականգնվող էներգիայի աշխարհի խոշորագույն արտադրողներից մեկն է: Այն արդեն չորս նոր հիբրիդային էլեկտրակայան է կառուցում Պիրենեյան թերակղզում։ Դրանց ընդհանուր հզորությունը կկազմի 1,6 գիգավատ։ Նրանք կսկսեն աշխատել այս տասնամյակում։ Ընկերությունը նախատեսում է նմանատիպ նախագծեր իրականացնել նաև այլ երկրներում, այդ թվում Լեհաստանում, Իտալիայում, Բրազիլիայում և ԱՄՆ-ում։
Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէլերգիայի ծախսը
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը