Արևային էներգիան՝ քաղաքական անկախության երաշխավոր
2023 թվականի վերջին արդեն արդյունահանվող վառելիքի գները կտրուկ նվազելու են և Ռուսաստանի համար չափազանց բարդ է լինելու։ Այդ մասին պնդում են «Էմբեր» վերլուծական կենտրոնի փորձագետները, որոնք կանխատեսումներ են անում Եվրամիության և աշխարհի երկրների էներգետիկ շուկայի վերաբերյալ։
Նոր զեկույցում նշվում է, թե Եվրոպայի պետությունները հրաժարվելով Ռուսաստանի գազից և ածխից՝ Ուկրաինայի դեմ հարձակման հետևանքով ոչ միայն չեն տուժել, այլև կարողացել են ավելացնել վերականգնվող էներգիայի պաշարները, ինչը թույլ է տվել տնտեսել գրեթե 15 միլիարդ դոլար։ Հիմնական շարժիչ ուժերից մեկը քամու և արևային էներգիայի զարգացումն է, որի վրա եվրամիության պետությունները չափազանց մեծ հույսեր են կապում՝ ձգտելով էներգետիկ անկախության արդյունահանվող ածխաջրածիններից՝ հատկապես Ռուսաստանից։
Վերլուծաբանների հաշվարկներով՝ անցած տարվա ընթացքում, պատերազմը սկսելուց հետո, քամին և արևային էներգիան Եվրոպայի էներգաապահովման համակարգում աճել են 50 տեռավատ ժամով, ինչն այսօրվա դրությամբ կազմում է էներգիայի բոլոր տեսակաների 23 %-ը։
Եվրոպայում չնայած էներգակիրների գների աճին և երաշտին, եվրամիությանը հաջողվել է խուսափել գլոբալ ճգնաժամից հենց շնորհիվ էկոլոգիապես մաքուր էներգիայի միջոցների։ Ավագ վերլուծաբան Սառա Բրաունի կարծիքով՝ Ռուսաստանի ներխուժումը Ուկրաինա ցնցեց Եվրոպան, բոլորը հասկացան, թե որքան է ԵՄ-ն կախված Ռուսաստանից՝ էներգաապահովման հարցերում, ուստի և վերջին 1 տարվա ընթացքում Եվրամիությունը լրջագույն ջանքեր է գործադրել ավելի մաքուր և ավելի անվտանգ էներգոհամակարգի անցնելու, ինչը թույլ է տվել ոչ միայն միջոցներ տնտեսել, այլ նաև Ռուսատանից քաղաքական կախվածությունից ազատվել։
Էներգետիկ անվտանգության և արևային էներգիայի ՝ դրա վրա ունեցած զգալի մասին, բազմիցս ենք գրել, նման խնդիր ունի նաև Հայաստանը, որտեղ արևային վահանակներ արտադրող ընդամենը մեկ ըկերություն կա՝ «Սոլարոնը», ուստի և մեր երկրի էներգետիկ անվտանգութունը ապահովելու առանցքային կարևորագույն ուղղություներից մեկը հենց արևային էներգիան է և պետք է ավելացնել ոչ միայն մեկ ընկերության արտադրանքի ծավալները, այլև քաղաքական կամք դրսևորել և նոր հնարավորություններ բացել արևային էներգիայի զարգացման համար։
Մանե Կիրակոսյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Բեյջի թելերից ավելի ուշագրով գնումներ էլ են եղել
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Հանդիպեցի մեր հայ երիտասարդների հետ ու վստահ ասում եմ՝ մեր ապագան վստահելի ձեռքերում է․ Նարեկ Կարապե...