Ավստրալիան լայն թափով զարգացնում է արևային էներգետիկան
2023 թվականին Ավստրալիայում էլեկտրաէներգիայի ամենախոշոր աղբյուրը կդառնան արևային վահանակները։
Ավստրալիական «Սանվիզ» ընկերության զեկույցի համաձայն 2023 թվականին երկրում փակվելու է խոշորագույն «Լիդըլ» աշխային էլեկտրակայանը, որը գտնվում է նոր Հարավային Ուելս նահանգի Հանթեր հարթավայրում։ Դրանից հետո արևային էներգիայի հաշվին էլեկտրականության գեներացիան էներգիայի հիմնական աղբյուրն է դառնալու երկրում, ընդ որում ավստրալիական իշխանությունները բնակիչներին հորդորել են խուճապի չմատնվել, քանի որ պետությունն ի սկզբանե նախատեսել է նման զարգացում և զարկ է տվել արևային էլեկտրաէներգիայի վահանակների և մարտկոցների տեղադրմանը։
Ներկայումս Ավստրալիայում հաստատված գեներացնող հզորությունը արևային վահանակների գերազանցում է 20 հազար մեգավատը։ Ընդամենը երկրում տեղադրված է 3,4 միլիոն արևային վահանակ և ամեն տարի դրանց թիվն ավելանում է միջինը 300 հազարով։
Ի տարբերություն Եվրոպայի և այլ մայրցամաքների, որտեղ ստիպված էին էներգիայի նոր աղբյուրներ փնտրել ռուս-ուկրաինական պատերազմի և Ռուսաստանից արդյունահանվող վառելիքից հրաժարվելու հանգամանքի հետ, Ավստրալիան շատ ավելի վաղ է հասկացել, թե որն է իր շահը, ուստի և, տիրապետելով ահռելի տարածքների, ինչպես նաև անապատային հատվածների, որտեղ կարելի է արևային էներգիա գեներացնել, այդ երկիրը շատ վաղուց թե՛ սեփական արտադրությունն է հիմնել էլեկտրական վահանակների և մարտկոցների, և թե,՛ մոտ գտնվելով Չինաստանին, կարողացել է հսկայական քանակությամբ նոր սարքավորումներ տեղադրել։
Այսօր էլ ավստրալիական իշխանությունները հայտարարել են, որ մի քանի անգամ ավելացնելու են արևային վահանակների և մարտկոցների արտադրությունը և տեղադրումը, ինչը թույլ կտա ընդհանրապես էներգետիկ կախվածության մեջ չլինել աշխարհի որևէ երկրից, այդ թվում նաև մերձավոր գործընկերներ Բրիտանիայից և ԱՄՆ-ից, ինչը վկայում է ավստրալիական իշխանությունների բավական հեռատես և խելացի քաղաքականության մասին։ Հայաստանն, ի տարբերություն Ավստրալիայի, չունի հսկայական տարածքներ արևային վահանակներ տեղադրելու համար, սակայն նույնիսկ առկա ռեսուրսները բավարար են Հայաստանի էներգետիկ անվտանգությունն ապահովելու համար։
Իհարկե մեր երկրում կա արևային վահանակներ արտադրող միայն մեկ ընկերություն՝ «Սոլարոնը», սակայն Հայաստանի իշխանությունները բավարար քաղաքական կամքի՝ ինչպես նաև մասնավոր և պետական ներդրումների հաշվին, կարող են հասնել լուրջ էներգետիկ անվտանգության։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը