Եվրամիությունն այլևս կախված չէ ռուսական հանածո վառելիքից արևի շնորհիվ
Եվրամիությունն այլևս կախված չէ ռուսական հանածո վառելիքից: Այս մասին Բրյուսելում կայացած ճեպազրույցի ժամանակ հայտարարել է Եվրահանձնաժողովի պաշտոնական ներկայացուցիչ Թիմ Մաքֆին:
Նրա խոսքով, վերջին 12 ամիսների ընթացքում ԵՄ-ն ցույց է տվել, որ ունակ է դիմակայել Ռուսաստանին և էներգիայի աղբյուրները որպես զենք օգտագործելու նրա փորձերին։ «Ռուսական ածխի ներմուծումը ԵՄ դադարել է, նավթի ներմուծումը չնչին մասն է կազմում այն ամենի, ինչ եղել է պատերազմից առաջ, իսկ ռուսական գազն արագորեն անհետանում է ԵՄ շուկայից»,-նշել է Մաքֆին:
Այսպես, ռուսական խողովակաշարային գազի մատակարարումները պատմականորեն կազմել են Եվրամիության ներմուծման մոտ 45-50 տոկոսը՝ նախքան Ռուսաստանի լայնամասշտաբ ներխուժումն Ուկրաինա։ 2023 թվականի մարտին այդ ցուցանիշը նվազել է մինչև 8 տոկոս։ Եվրահանձնաժողովի ներկայացուցիչը պարզաբանել է, որ դա հնարավոր է դարձել երեք գործոնների շնորհիվ։ Այդ գործոններից մեկը վերականգնվող աղբյուրներից ստացվող էներգիան է. 2022 թվականին Եվրամիությունում 16 տոկոսով ավելի շատ հողմային և արևային էներգիա են արտադրել, քան մեկ տարի առաջ, ինչը թույլ է տվել փոխարինել 11 միլիարդ խորանարդ մետր ռուսական գազը, հայտնել են Բրյուսելում: Այս ուղղության հետագա զարգացման համար ԵՄ անդամ երկրները մուտք ունեն 270 միլիարդ եվրո արժողությամբ հիմնադրամ, որը ստեղծվել է՝ նպատակ ունենալով օգնել նրանց հրաժարվել ռուսական էներգակիրներից։
Արևային էներգիայի շեշտակի զարգացումը ԵՄ-ում հնարավորություն է տվել նվազեցնել կախվածությունը ոչ միայն Ռուսաստանի հանածո վառելիքից, այլև Չինաստանից, որը համարվում է Արևմուտքի ամենամեծ հակառակորդը։
Ըստ էության, եվրապաշտոնյան իր այս արձանագրումներն անելով վկայում է արևային էներգիայի ահռելի նշանակությունը ոչ միայն տնտեսական, այլև, առաջին հերթին, քաղաքական իմաստով։ Հենց արևն է, որ նպաստում է քաղաքական կապվածության թոթափմանը։ Իսկ մենք բազմիցս ենք փաստել արևային էներգիայի զարգացման կարևորությունը երկրների քաղաքական ինքնիշխանության համար։
Հայաստանում, ուր արևային վահանակներ արտադրող միայն մեկ ընկերություն կա՝ «Սոլարոնը», օդի պես անհրաժեշտ է արևային էներգիայի զարգացումը, ինչը մեր երկրին նույնպես կօգնի ձերբազատվել վառելիքի հետևանքով առաջացած քաղաքական կախվածությունից։
Սուրեն Մնացականյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ