«Մենք ենք մեր սարերը» գործակալությունը Արցախի ջերմատնային տնտեսությունների վերազինման ծրագիր է սկսում
«Մենք ենք մեր սարերը» գործակալության համահիմնադիր, Արցախի նախկին պետնախարար Ռուբեն Վարդանյանը ֆեյսբուքյան իր էջում գրել է.
Արցախի շրջափակումը ցույց տվեց, թե որքան կարևոր է պարենային անվտանգության ապահովումը և որքան անհրաժեշտ՝ պարենային ինքնաբավության ուղղությամբ աշխատանքների իրականացումը: Արցախում աշխատելու և գործընկերների հետ քննարկումների ընթացքում եկանք այն եզրակացության, որ պետք է վերազինել ջերմատները, որպեսզի նրանց արդյունավետությունը բարձրանա և կարողանան ավելացնել արտադրանքի ծավալները: Սա գյուղատնտեսության ամենակարևոր ուղղություններից մեկն է, որի զարգացումն իսկապես օգնելու է թե՛ պարենային անվտանգության ապահովմանը, թե՛ այս իրավիճակում Արցախում աշխատատեղերի պահպանմանն ու նորերի ստեղծմանը, թե՛ գյուղատնտեսության ոլորտի տնտեսավարողների համար բիզնեսի զարգացմանը: Հենց այդ նպատակով «Մենք ենք մեր սարերը» գործակալության կողմից մշակվեց Արցախի ջերմոցների վերազինման ծրագիրը:
Այս ոլորտում ժամանակին ևս մեծ գումարներ են ներդրվել, բայց, ցավոք, դրանք ոչ բոլոր դեպքերում են արդյունավետ ծախսվել և ծառայել բուն խնդրի լուծմանը: Եթե ժամանակին ծրագիրը նպատակային լիներ, անշուշտ ճգնաժամի ընթացքում Արցախում բանջարեղենի այսպիսի սուր պակաս չէր լինի:
Ուրախ եմ, որ ծրագիրն արդեն մեկնարկել է: Օրերս հանդիպեցի Արցախի ջերմատնային տնտեսությունների զարգացման ասոցիացիայի անդամների հետ, և կարևոր քննարկում ունեցանք ոչ միայն ծրագրի, այլ ընդհանարապես Արցախի գյուղատնտեսության զարգացման տեսանկյունից այս ուղղության կարևորության մասին: Քննարկեցինք զարգացման քայլերը, նոր ստանդարտների ներդրման հնարավորությունը, ինչը վստահաբար բարձրացնելու է այս ճյուղի արդյունավետությունը՝ մուտիպլիկատիվ ազդեցություն ունենալով:
Ինչպես մեր գործակալության ծրագրերի մեծ մասը, այս ծրագիրը ևս իրականացվելու է պետական-մասնավոր համագործակցությամբ: Մեր գործընկերներն այս դեպքում Արցախի գյուղատնտեսության նախարարությունն ու Արցախի գյուղի և գյուղատնտեսության աջակցության հիմնադրամն են: Ջերմատնային տնտեսությունների ներկայացուցիչներն արդեն կարող են իրենց հայտերը ներկայացնել գյուղատնտեսություն նախարարի կողմից ստեղծված մասնագիտական հանձնաժողովին: Ծրագրի շահառու կարող են դառնալ 300 և ավելի քմ տարածք ունեցող ջերմատների սեփականատերերը։
Շնորհակալ եմ գործակալության նվիրատուներին, ովքեր իրենց ներդրումներով օգնելու են այսպիսի կարևոր ծրագրի իրականացմանը:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը