NTD. լողացող արևային էլեկտրակայանները մեծ ժողովրդականություն են վայելում ոչ միայն Ասիայում, այլ նաև ԱՄՆ-ում

Rt.com-ը գրում է, որ  Ասիայում  լողացող արևային ֆերմաների ժողովրդականության արագ աճից հետո դրանք վերելք են ապրում նաև ԱՄՆ-ում: Ինչպես հայտնում է NTD հրատարակությունը դրանք գրավիչ են ոչ միայն իրենց մաքուր էներգիայով և գետնի վրա հետքերի բացակայությամբ, այլ նաև այն պատճառով, որ կանխելով գոլորշիացումը խնայում են ջուրը։

Ամերիկյան Duke Energy ընկերությունը մտադիր է մինչև 2050 թվականը էլեկտրաէներգիայի արտադրության մեջ ածխաթթվային արտանետումների չեզոքության հասնել: Ընկերությունը սկսել է իր փորձնական նախագիծը Ֆլորիդայում:

Շաին Ույատ, ծրագրի ղեկավար.- Շատ կարևոր է սկսել նման նորարարական նախագծեր և փորձարկել նոր տեխնոլոգիաներ: Մեզ միշտ պետք է մաքուր էներգիա ստանալու նոր ուղիներ գտնել, ոչ այնքան ավանդական ուղիներ: Արեգակնային էներգիան լավ է այդ տեսակետից: Մենք կկարողանանք օգտագործել տարբեր ջրամբարներ, որոնք չեն օգտագործվում ռեկրեացիոն նպատակներով։

Լողացող արևային մարտկոցների գաղափարը պարզ է՝ դրանք ամրացվում են լաստանավերի վրա։ Արդյունքում նրանք չեն փակում այն ​​հողերը, որոնք կարող են օգտագործվել գյուղատնտեսության կամ շինարարության համար:   Վահանակները իրենք ծածկում են ջրի մակերեսը կանխելով ջրի գոլորշիացումը։ Դա շատ ճիշտ է Կալիֆոռնիայի համար, որը մի քանի տարի է արդեն տառապում է ռեկորդային երաշտից։

Քրիս Բարտլ, Ciel & Terre ընկերության ներկայացուցիչ. — Սա կոյուղու լճակ է, որի վրա այն 1,8 մեգավատ հզորությամբ լողացող արևային համակարգ է, որը մեր ընկերությունը կառուցել է 3-4 տարի առաջ։ Չորս տարի այն աշխատում է առանց խնդիրների։

Ջուրը նաև սառեցնում է արևային պանելները, ինչը թույլ է տալիս նրանց ավելի շատ էլեկտրաէներգիա արտադրել, քան գետնի վրա տեղադրված նրանց նման պանելները: Երբ նրանք տաքանում են  կորցնում են իրենց արդյունավետությունը: Ընկերությունն արդեն սկսել է 25 լողացող արևային նախագիծ ԱՄՆ-ում։ Այդ հայեցակարգը հետաքրքիր է նաև այն երկրներին, որտեղ հողի պակասի խնդիր կա։

Քրիս Բարտլ. Ասիան այդ հարցում առաջնագծում է: Հատկապես կղզի երկրները, ինչպիսիք են Ճապոնիան և Թայվանը: Նրանք շատ են հետաքրքրված լողացող արևային մարտկոցներով, քանի որ նրանք ուղղակի շատ հող չունեն մեծածավալ ցամաքային էլեկտրակայանների համար։

Ասիական տարածաշրջանն այսօր բաժին է ընկնում լողացող արևային վահանակներից ստացված եկամուտների ավելի քան 70%-ը: Սակայն առաջիկա տարիներին այդ ոլորտում աճ է սպասվում Հյուսիսային Ամերիկայում և Եվրոպայում: Մինչ օրս աշխարհի ամենամեծ լողացող արևային էլեկտրակայանը 320 մեգավատ հզորությամբ ֆերման է Չինաստանի Շանդուն նահանգում: Այնուամենայնիվ, այս ամենի համար բարձր սկզբնական ծախսերը մնում են որպես խոչընդոտ: Նաև լողացող էլեկտրակայանները չեն կարող տեղադրվել արագ հոսանքներով կամ բարձր ալիքներով ջրային մակերեսների վրա։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]