Պողպատե հիմքի վրա պերովսկիտային արևային մարտկոցը հասել է 17,1 % արդյունավետության

Hightech.plus-ը գրում է, որ Ավստրալացի գիտնականները հաղորդել են, որ մինչ օրս հասել են արևային էներգիայի փոխակերպման ամենաբարձր արդյունավետությունը պողպատե հիմքի վրա գտնվող պերովսկիտային ֆոտովոլտային բջիջների համար: Ենթաշերտից երկաթի ներթափանցումը ֆոտոգալվանային խցիկի մեջ կանխելու համար ինդիումի անագի օքսիդի շերտ են դրել նրանց միջև։

Արեգակնային բջիջների ենթաշերտերի ավանդական նյութի՝ ապակու նկատմամբ ճկուն և էլեկտրական հաղորդիչ պողպատի առավելությունն այն է, որ այն կարող է ծառայել ինչպես ենթաշերտ, այնպես էլ ունենալ էլեկտրոդի երկակի գործառույթ: Ընդ որում, և՛ մեծ տարածքի մոնոլիտ արևային մարտկոցների դեպքում, և՛ փոքրերի դեպքում մեկ և բազմահանգույց կառուցվածքով։

Պողպատը, բացի ճկունությունից և հաղորդունակությունից, ունի լավ ջերմակայունություն, ամրություն և հարվածակայունություն: Այնուամենայնիվ, դա անթափանց նյութ է, և եթե այն օգտագործվում է ֆոտոբջիջում, ապա միայն թափանցիկ էլեկտրոդի հետ միասին: Այդ նպատակով էլ Սիդնեյի համալսարանի գիտնականները որպես միջանկյալ շերտ օգտագործել են ինդիում-անագի օքսիդը:

Պողպատի և 80 նմ ինդիում-անագ շերտի հետ կա անագի օքսիդի էլեկտրոնների տեղափոխման շերտ, պերովսկիտ կլանիչ, Spiro-OMeTAD անցքի տրանսպորտային շերտ և մոլիբդենի եռօքսիդի բուֆերային շերտ, իսկ վերևում՝ թափանցիկ ինդիում-անագ օքսիդի էլեկտրոդն է:

Այս կառուցվածքով հավաքված առաջին նախատիպը հասել է 13,2 % փոխակերպման արդյունավետության: Նմանատիպ վահանակն առանց ինդիում-անագի միջանկյալ շերտի ունենում է ընդամենը 6 % արդյունավետություն: Այնուհետև գիտնականները որոշել են կիրառել պասիվացման մեթոդը՝ բարակ պաշտպանիչ շերտի ձևավորումը էլեմենտի աշխատանքը բարելավելու համար: Արդյունքում, նմուշը ցույց է տվել 17,1 % արդյունավետություն, որն ամենաբարձրն է պողպատե հիմքի վրա պերովսկիտային արևային բջիջների համար:

այնուամենայնիվ ինչպես նշում են հետազոտողները, նման կառուցվածքի պերովսկիտային տարրի տեխնիկատնտեսական հիմնավորումը դեռ չի հաշվարկվել:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]