Ադրբեջանի գլխավոր թիրախը Հայաստանի տնտեսության ողնաշարն է
Արցախում Ադրբեջանի հարձակման առաջնային թիրախներից մեկը Կաշենի հանքն է եղել, որը, ըստ տեղից ստացվող տեղեկությունների անցել է թշնամու վերահսկողության տակ։ Երեկ երեկոյան էլ Ադրբեջանի զինված ուժերը գնդակոծել են Սոթքի հանքի տարածքը։ Այս փաստերը վկայում են, որ Ադրբեջանի առաջնային թիրախը Հայաստանի տնտեսությունն է, որի ողնաշարը կոտրելուց հետո մեր երկիրը լրջագույն խնդիրների առջև է կանգնելու։
Տևական ժամանակ է, ինչ զգուշացնում ենք, որ Զանգեզուրի պղնձամոլիբդենային կոմբինատի, այլ հանքավայրերի դեմ հակաքարոզչությունը որևէ լավ բանի չի կարող բերել։ Այդ արշավին կամա, թե ակամա մասնակցում են տեղական ու օտարերկրյա բնապահպաններ, քաղաքացիական ակտիվիստներ, գիտակցաբար, կամ անգիտակցաբար, շահով կամ առանց շահի։ Սակայն արդյունքը մեկն է՝ վնասել Հայաստանի տնտեսությունը՝ վերջնական կապիտուլյացիայի ենթարկելու համար։ Ադրբեջանն այդ արշավում օգտագործում է ամեն հնարավորություն։
«Փաստ» թերթի տեղեկություններով, օրերս Բաքվում տեղի ունեցած հերթական միջազգային սիմպոզիումի ժամանակ ադրբեջանցիները բարձրացրել են նաև Ողջի ու Արաքս գետերի թեման: Ընդհանրապես, Բաքվում պետական մակարդակով ահռելի գումարներ են ծախսվում՝ ցույց տալու, թե Հայաստանում բնապահպանական ծանր խնդիրներ կան, որոնք ազդում են տարածաշրջանի վրա: Այդ թվում՝ լրջորեն թիրախավորվում է հանքարդյունաբերությունն ու, ի մասնավորի, մեր տնտեսության մեջ առաջնային դիրքում գտնվող Զանգեզուրի պղնձամոլիբդենային կոմբինատը, որը մշտապես գլխավորում է Հայաստանի 1000 խոշոր հարկատուների ցուցակը:
Տարիներ շարունակ իր տարածքում ճնշելով բնապահպանական բոլոր շարժումները՝ Ադրբեջանն այսօր դրանք օգտագործում է Հայաստանի դեմ։ Իսկ հայաստանյան բնապահպանական շարժումների հավաքած տեղեկությունները, ԶՊՄԿ-ի և մյուս հանքերի դեմ փաստաթղթերը, հոդվածներն ու տեսանյութերն այսօր այդ արշավի մի մասն են դարձել։ Հայաստանի իշխանությունը պարտավոր է աջակցել տնտեսության ողնաշարը դարձած հանքարդյունաբերությանը, հակառակ պարագայում հետևանքներն աղետալի են լինելու։
Տիգրան Մանթաշյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Բեյջի թելերից ավելի ուշագրով գնումներ էլ են եղել
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Հանդիպեցի մեր հայ երիտասարդների հետ ու վստահ ասում եմ՝ մեր ապագան վստահելի ձեռքերում է․ Նարեկ Կարապե...