Գագիկ Գինոսյանի հիշատակին. Ավետիք Չալաբյան
Քաղաքական-հասարակական գործիչ, «Համախմբում» շարժման խորհրդի անդամ Ավետիք Չալաբյանը ֆեյսբուքյան իր էջում գրում է.
ԳԱԳԻԿ ԳԻՆՈՍՅԱՆԻ ՀԻՇԱՏԱԿԻՆ
Երեկ երեկոյան, ընդամենը 58 տարեկանում հանկարծամահ եղավ ականավոր հանրային գործիչ, ազատամարտիկ, Արցախյան երկու պատերազմների նվիրյալ մարտիկ Գագիկ Գինոսյանը:
Գագիկ Գինոսյանի կյանքը և գործունեությունը հնարավոր չէ պարփակել մի քանի տողի մեջ: Շատերս նրան ճանաչում ենք նրա ստեղծած «Կարին» ազգային պարի համույթի և նրա կողմից կազմակերպած ազգային պարի տպավորիչ բեմադրությունների և փառատոնների միջոցով, շատերս էլ ոգևորված շուրջպար ենք բռնել նրա հետ Կասկադում:
Պակաս հայտնի, բայց ոչ պակաս կարևոր էր նրա կողմից իրականացված վիթխարի գիտա-մշակույթային աշխատանքը՝ հավաքագրելու, վերծանելու և վերամշակելու հայ ազգային պարի բազմաթիվ ցրված նմուշները, դրանց հանրայնացնելը, հանրահռչակելը և ազգային ինքնության կենդանի մաս դարձնելը: Այդ նպատակով Գագիկ Գինոսյանը «Այբ» հիմնադրամի հետ համատեղ ստեղծեց նաև «Ազգային երգ ու պարի» ակադեմիան, և համագործակցելով նրա հետ այս ծրագրի շրջանակներում, մեր ընտանիքին բախտ վիճակվեց մոտիկից ծանոթանալու Գագիկ Գինոսյանին, և օժանդակելու նրա նորարական նախաձեռնություններին:
Եվ վերջապես, Գագիկը Գինոսյանը մեր ազգային ազատամարտի իրական նվիրյալ էր: Դեռ առաջին Արցախյան պատերազմում նա մարտնչել էր երջանկահիշատակ Լեոնիդ Ազգալդյանի հրամանատարության տակ, անձամբ մասնակցել բազմաթիվ բնակավայրերի ազատագրմանը, թշնամուն մեծ կորուստներ պատճառելով: Պատերազմից հետո նա շարունակել է ծառայությունը բանակում որպես սպա, ուսանել ռազմական ակադեմիայում, իսկ Արցախյան երկրորդ պատերազմին մասնակցել է որպես կամավոր ՈՄԱ գումարտակի կազմում, թշնամուց պաշտպանել Թաղավարդը:
Գագիկ Գինոսյանի կյանքի և վաստակի մասին կարելի է անվերջ շարունակել, բայց դա չի մեղմի նրա անժամանակ կորստյան ցավը: Հանգչի՛ր խաղաղությամբ, նվիրյալ հայորդի, Աստված քո հզոր ուժը փոխանցի ապրողներին, և լուսավորի քո երկնային ճանապարհը:
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»