Այսօր հրաշալի առիթ է արժևորելու հայ կնոջ բացառիկ դերը. Նաիրի Սարգսյան
Սիրելի կանայք,
Սրտանց շնորհավորում եմ ձեզ Կանանց միջազգային օրվա՝ մարտի 8-ի առթիվ:
Գարնանային այս գեղեցիկ տոնը հրաշալի առիթ է մեր սերն ու ակնածանքն ուղղելու հայ կնոջը խոնարհության, խոհեմության, համբերատարության, հոգատարության, սիրո ու ընտանիքին անմնացորդ նվիրվածության համար և արժևորելու հայ կնոջ բացառիկ դերը ազգապահպանության գործում:
Սիրելի՛ մայրեր և քույրեր, ընտանիքին ու հայրենիքին ձեր նվիրումի շնորհիվ են պահպանվում և սերնդեսերունդ փոխանցվում մեր ազգային ավանդույթները, ձեր դաստիարակությամբ են մեծանում ազգի արժանավոր զավակները, որոնք մեր պատմության վճռորոշ պահերին իրենց սխրանքներով հերոսանում են հայրենիքի պաշտպանության սրբազան առաքելության մեջ։
Այսօր մենք գլուխ ենք խոնարհում մեր բազմաթիվ որդեկորույս մայրերի առաջ, որոնց որդիներն իրենց կյանքը տվեցին հանուն հայրենիքի, գլուխ ենք խոնարհում պատերազմում այրիացած, բայց իրենց ընտանիքների համար հենասյուն մնացած կանանց առաջ, գլուխ ենք խոնարհում այն կանանց առաջ, որոնք ամուր թիկունք ու ապավեն են զինված ուժերում ծառայող իրենց ամուսիններին։
Կանանց միջազգային օրը բոլորիս համար առիթ է, որպեսզի հաստատենք մեր պատրաստակամությունը՝ կերտել հավասար իրավունքների և հնարավորությունների հասարակություն:
Սիրելի՛ մայրեր, դուստրեր, քույրեր, գարնանային այս գեղեցիկ տոնի առթիվ կրկին շնորհավորում եմ ձեզ և մաղթում քաջառողջություն, անձնական երջանկություն ու հաջողություններ ձեր բոլոր ձեռնարկումներում։
ՔՊ-ականներն ահաբեկում են անգամ անչափահասներին. «Հրապարակ»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
«Մասկա օպերացիա». իրավապահները հրահանգ են ստացել. «Հրապարակ»
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
Իշխանությունների թիրախում են ակտիվ արցախցիները. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...