Ծայրահեղ շոգն ու խոնավությունը կարող են չափազանց վտանգավոր լինել նորածինների, երեխաների, հղիների և տարեցների առողջության համար
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ջերմային ալիքներն ամենևին էլ զվարճանք չեն արևի տակ: Ծայրահեղ շոգն ու խոնավությունը կարող են չափազանց տհաճ և վտանգավոր լինել հատկապես նորածինների, երեխաների, հղիների և տարեցների առողջության համար: Այս մասին իր ֆեյսբուքյան էջում տեղեկատվություն է հրապարակել Հիդրոօդերևութաբանության և մոնիթորինգի կենտրոնի տնօրեն Լևոն Ազիզյանը:
Ջերմային ալիքները զգալիորեն մեծացնում են վաղաժամ ծննդաբերության վտանգը:
Ավստրալացի բժիշկները պարզել են, որ անոմալ շոգ եղանակի և ջերմային ալիքների դրվագները մոտ 50-60%-ով մեծացնում են վաղաժամ ծննդաբերության վտանգը, ինչը հատկապես վերաբերում է կանաչապատ տարածքներում ապրող հղիներին: Այս մասին հայտնում է Մոնաշի համալսարանի մամուլի ծառայությունը։
Վերջին երկու տասնամյակների ընթացքում Ավստրալիայում 1,2 միլիոն հղի կանանց դիտարկումները ցույց են տվել, որ վաղաժամ ծննդաբերության հավանականությունը զգալիորեն կախված է նրանից, թե որքան հաճախ և որքան ժամանակ են կանայք ենթարկվել ծայրահեղ շոգին հղիության վերջին եռամսյակում: Հավաքված գիտական տեղեկատվությունը ցույց է տալիս, որ այս ազդեցությունը կարող է կրճատվել կանաչ տարածքի շնորհիվ:
Վերլուծված հղիություններից մոտ 63000-ն ավարտվել են վաղաժամ ծննդաբերությամբ՝ թույլ տալով գիտնականներին ուսումնասիրել, թե ինչպես են այս արդյունքի հավանականության վրա ազդում եղանակային տարբեր գործոններ, ներառյալ ջերմային ալիքները, որոնք հաճախակի են հարվածել Ավստրալիային վերջին մի քանի տասնամյակներում: Հետազոտության ընթացքում գիտնականները հաշվի են առել ոչ միայն եղանակային պայմանները, այլև այն տարածքը, որտեղ ապրել են հղի կանայք։ Գիտնականների կողմից անցկացված վերլուծությունը ցույց է տվել, որ ցերեկային և գիշերային շոգին երկարատև ազդեցությունը զգալիորեն մեծացնում է վաղաժամ ծննդաբերության հավանականությունը, եթե հղիության վերջին եռամսյակում անոմալ տաք եղանակ է տիրում: Միջին հաշվով, հղիության նման ելքի հավանականությունն աճել է 61%-ով ցերեկային տենդի դեպքում և 51%-ով՝ գիշերային տենդի երկարատև դրվագների դեպքում:
Միևնույն ժամանակ, գիտնականները նշում են, որ վաղաժամ ծննդաբերության վտանգը հատկապես ուժեղ է աճել այն կանանց շրջանում, ովքեր ապրում էին Ավստրալիայի այն շրջաններում, որտեղ կանաչապատման և բուսականության բազմազանության ցածր մակարդակ կա: Այս ցուցանիշների բարելավումը 14-21%-ով կնվազեցնի ցերեկային և գիշերային շոգից առաջացած վաղաժամ ծննդաբերության լրացուցիչ ռիսկը, եզրակացրել են գիտնականները։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Դոլարն ու ռուբլին թանկացել են․ փոխարժեքն՝ այսօր
Տարադրամի փոխարժեքները դեկտեմբերի 27-ին
ՊՆ պաշտոնատար անձինք մեղադրվում են խոշոր չափերի հափշտակության մեջ. նախաքննությունն ավարտվել է