Աշխարհի յոթ երկրներ էլեկտրականությունը ստանում են վերականգնվող աղբյուրներից

Աշխարհի 7 երկրներ՝ Ալբանիան, Բութանը, Նեպալը, Պարագվայը, Իսլանդիան, Եթովպիան և Կոնգոյի Դեմոկրատական հանրապետությունն անցած տարվա ընթացքում իրենց էներգիայի 99,7 %-ը ստացել են վերականգնվող էներգիայի աղբյուրներից՝ գեոթերմալ, հիդրո, արևային և քամու էներգետիկայից։

Միջազգային էներգետիկ գործակալության տվյալներով՝ աշխարհի ևս 40 երկրներ 2021-2022 թվականներին իրենց էլեկտրաէներգիայի 50 %-ից ավելին արտադրել են վերականգնվող էներգիայի աղբյուրների շնորհիվ։

Ստենֆորդի համալսարանի պրոֆեսոր Մարկ Յակոբսոնը, որը հետազոտողների խմբի ղեկավարն է, նշել է, թե սրանք չափազանց ուշագրավ տվյալներ են, և տասնյակ այլ երկրներ ունակ են կարճ ժամանակահատվածում իրենց էներգիայի մինչև 100 %-ը ստանալ էներգիայի վերականգնվող աղբյուրներից։

2022 թվականին Մեծ Բրիտանիան, օրինակ, 41,5 % է արձանագրել, ինչը 10 %-ով գերազանցում է նախորդ տարվա ցուցանիշը։

Շոտլանդիայում 2022 թվականին վերականգնվող էներգետիկայի աղբյուրները ապահովել են երկրի ընդհանուր սպառման 113 %-ին համարժեք էլեկտրաէներգիա, ընդ որում, այս էներգիայի մի հատվածը վաճառվել է Անգլիայի և Ուելսի տարածքում, իսկ Շոտլանդիայում, բացի վերականգնվող էներգիայի աղբյուրներից կան նաև այլ էլեկտրակայաններ։

Հայաստանը արևային վահանակներ արտադրող մեկ ընկերություն ունի՝ «Սոլարոնը»։

Սուսան Մամյան