Կոնվերս Բանկում ամփոփել են ՎԶԵԲ տարեկան ժողովին մասնակցության արդյունքները
Վերակառուցման և զարգացման եվրոպական բանկի (ՎԶԵԲ)՝ Երևանում անցկացված տարեկան ժողովին և գործարար համաժողովին Կոնվերս Բանկը մասնակցել է որպես գլխավոր հովանավոր:
Կոնվերս Բանկի Գլխավոր գործադիր տնօրեն Անդրանիկ Գրիգորյանն ասում է. «ՎԶԵԲ-ը Կոնվերս Բանկի ռազմավարական գործընկերն է, որի հետ արդյունավետ համագործակցության երկարամյա փորձ ունենք տարբեր ոլորտներում: Վստահ ենք, որ Հայաստանում ՎԶԵԲ տարեկան ժողովի անցկացումը, տարբեր ոլորտներում նախագծերի իրականացման պայմանավորվածություններն էական խթան կդառնան տնտեսության զարգացման հարցում, իսկ գործարար համաժողովի ու քննարկումների արդյունքում ստացված փորձառությունն էապես կազդի բանկային համակարգի հետագա զարգացման վրա»:
Կոնվերս Բանկի Գլխավոր գործադիր տնօրենի տեղակալ, Ֆինանսական տնօրեն Հրանտ Հակոբյանի խոսքով, ՎԶԵԲ տարեկան ժողովը կարևորագույն միջոցառում էր ոչ միայն Կոնվերս Բանկի, այլև Հայաստանի համար, որն այսուհետ իր ուրույն տեղն է գրավում համաշխարհային ֆինանսական քարտեզում:
Նա նշում է. «Բարձր ենք գնահատում ՎԶԵԲ հետ համագործակցությունը: Կարող ենք փաստել, որ միջոցառմանը մասնակցությունը շատ արդյունավետ էր Բանկի համար. տեղի ունեցան շատ կարևոր հանդիպումներ, մեր գործընկերների հետ քննարկեցինք համատեղ ծրագրերի ընթացքը, նոր գործընկերային կապեր և նոր ծրագրերի իրականացման պայմանավորվածություններ ձեռքբերեցինք»:
ՎԶԵԲ տարեկան ժողովի ընթացքում Կոնվերս Բանկի ներկայացուցիչները մասնակցեցին առևտրի խթանմանը նվիրված պանելային քննարկմանը, իսկ Բանկի նախաձեռնությամբ կայացավ «Կապիտալի շուկաներ. մարտահրավերներ և զարգացման հեռանկարներ» պանելային քննարկումը:
Կոնվերս Բանկի Ներդրումային դեպարտամենտի տնօրեն Գրիգորի Զաքարյանն ասում է. «Որպես Հայաստանի առաջատար ֆինանսական հաստատություն, Կոնվերս Բանկը կիսում է կապիտալի շուկան կայացնելու և զարգացնելու պատասխանատվությունը: Կապիտալի շուկային զարգացումը կընդլայնի ֆինանսների ներգրավման հնարավորությունները բիզնեսի համար և, արդյունքում, կնպաստի տնտեսության աճին: Այսօր մեր խնդիրն է ընկերություններին աջակցել արժեթղթերի թողարկման, տեղաբաշխման և երկրորդային շուկայում շրջանառման հարցում»:
Նշենք, որ Կոնվերս Բանկի և ՎԶԵԲ-ի համագործակցությունը ներառում է ինչպես առևտրի խթանման ու փոքր և միջին ձեռնարկությունների ֆինանսավորման, այնպես էլ մասնագիտական կարողություների զարգացման և տեխնիկական աջակցման ոլորտները:
Կոնվերս Բանկը վերահսկվում է ՀՀ ԿԲ կողմից:
Փաշինյանը ջանք չի խնայում Հայաստանը Ադրբեջանի պատկերացրած տարածքի վերածելու համար․ Հայրապետյան
Էդողանի դիրքորոշումը՝ պատերազմ հրահրող սիոնիստական ռեժիմը դատապարտելու հարցում գովելի է․ Փեզեշքիան
Գիշերվա նախարար․ ինչու է Արսեն Թորոսյանը մնում Փաշինյանի ամենավստահելի կադրերից. «Ժողովուրդ»
Իրանը հրթիռների վրա փակցրել է Իսպանիայի վարչապետի նկարը, որը հրաժարվել է աջակցել ԱՄՆ-ի հարվածներին
Այսօր «Համահայկական ճակատ» շարժման անդամները` ղեկավար Արսեն Վարդանյանի գլխավորությամբ, Ազգային ժողով...
Արցախի հանձնումից հետո պատերազմ հնարավոր է միայն մեկ դեպքում, եթե Նիկոլն ինքը հրահրի այդ պատերազմը
ԱՄՆ-ն ցանկանում է իր վերահսկողության տակ վերցնել «Հյուսիսային հոսք» գազատարը․ Լավրով
Արմավիրի մարզում «Ford Transit»-ը կամրջից ընկել և հայտնվել է դրա տակ. 2 հոգի տեղափոխվել է հիվանդանոց
Նիկոլ Փաշինյանն ուզում է Սասուն Միքայելյանի վախը բռնել. «Հրապարակ»
Դոլարն էժանացել է․ փոխարժեքն՝ այսօր