«Հայաստանի էներգետիկ անկախության ճանապարհային քարտեզ» նախագիծն արդեն իրականություն է. FAST-ն ու SolarOn-ը ներկայացրեցին հետազոտական ծրագրի արդյունքները
Մայիսի 24-ին Հայաստանի գիտության և տեխնոլոգիաների հիմնադրամը (FAST), ծրագրի ֆինանսական աջակից, Հայաստանում առաջին արևային վահանակներ արտադրող SolarOn ընկերության հետ համատեղ, ներկայացրեցին Հայաստանի էներգետիկ անկախության բարձրացման հնարավորությունների նախանշմանն ուղղված հետազոտական դրամաշնորհային ծրագրի արդյունքները։ «Հայաստանի էներգետիկ անկախության ճանապարհային քարտեզ» նախագիծն արդեն իրականություն է։
Շնորհանդեսին բացման խոսքով հանդես եկավ FAST-ի և Solaron-ի համահիմնադիր և հիմնադրամի Հոգաբարձուների խորհրդի անդամ Արթուր Ալավերդյանը: Նա նշեց, որ հետազոտությունն իրականացվել է Հայաստանում կայուն, ինքնաբավ և անվտանգ էներգետիկ համակարգ կառուցելու կարևորության գիտակցմամբ։ Ընդգծեց՝ իրենց նպատակն էր նախագծել այն քայլերը, որոնք անհրաժեշտ են վերականգնվող էներգիայի միջոցներով Հայաստանի էներգետիկ անկախության բարձրացման համար։
Ճանապարհային քարտեզի կառուցվածքն ու կատարված աշխատանքն ամփոփեցին հետազոտական թիմի ղեկավարը՝ Էներգետիկայի գիտահետազոտական ինստիտուտի ավագ գիտնական Սուրեն Շատվորյանը և Հայաստանի ամերիկյան համալսարանի դասախոս ու հետազոտող Արմեն Դանիելյանը։ Հետազոտական թիմը դուրս է բերել Հայաստանի էներգետիկ անկախության բարձրացման երեք սցենարներ՝ մոդելավորելով մինչև 2040/2050 թվականը երկրի էներգետիկ անկախության գործակցի բարձրացումը 46.8 տոկոսից մինչև 71.7 տոկոսի միջակայքում։
Այնուհետև տեղի ունեցավ պանելային քննարկում Հայաստանի էներգետիկ ապագայի շուրջ, որին մասնակցում էին Ամերիկյան համալսարանի Յակոբեան բնապահպանական կենտրոնի տնօրեն Ալեն Ամիրխանյանը, Էներգետիկայի հայկական գործակալության գլխավոր տնօրեն Լուիզա Վարդանյանը, Համաշխարհային բանկի էներգետիկայի մասնագետ Գոռ Խաչատրյանը և Solaron-ի համահիմնադիր Արթուր Ալավերդյանը:
Միջոցառման ավարտին պարոն Ալավերդյանին խնդրեցին կիսվել քննարկումից իր տպավորություններով և պատմել «Հայաստանի էներգետիկ անկախության ճանապարհային քարտեզ» ունենալու կարևորության մասին:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը