Հանրապետությունում գետերի ջրի մակարդակը նվազել է. ՇՄՆ

Դեբեդ և Աղստև գետերի ավազաններում 2024 թվականի մայիսի 29-ի ժամը 08։00-ի դրությամբ մայիսի 28-ի երեկոյան 20։00-ին դիտված ջրի ելքերի համեմատ դիտվել է նվազում. Դեբեդ գետի Այրում դիտակետում ջրի ելքը նվազել է 46 խմ/վ-ով և կազմել 142 խմ/վ, Ձորագետ գետի Ստեփանավան դիտակետում ջրի ելքը նվազել է 8.10 խմ/վ և կազմել 55.4 խմ/վ, Գարգառ դիտակետում նվազել է 23 խմ/վ-ով և կազմել 57.7 խմ/վ, Փամբակ գետի Թումանյան դիտակետում ջրի ելքը մայիսի 29-ի ժամը 08։00-ի դրությամբ մայիսի 28-ի երեկոյան 20։00-ին դիտված ջրի ելքերի համեմատ նվազել է 11.2 խմ/վ-ով և կազմել՝ 44.0 խմ/վ, Տաշիր գետում ջրի ելքը նվազել է 0.60 խմ/վ-ով և կազմել՝ 16.0 խմ/վ։

 

Աղստև գետի ավազանում Դիլիջան դիտակետում ջրի ելքը 2024 թվականի մայիսի 29-ի ժամը 08։00-ի դրությամբ կազմել է 12.4 խմ/վ, որը մայիսի 28-ի ժամը 20։00-ին դիտված ելքի համեմատ նվազել է 1.1 խմ/վ-ով։

 

Աղստև գետի Իջևան դիտակետում ջրի ելքը մայիսի 29-ի 08։00-ի դրությամբ մայիսի 28-ի 20։00-ին դիտված ելքի համեմատ նվազել է 11.5 խմ/վ-ով և կազմել է 62.0 խմ/վ։