Հնդկաստանում 100 մլրդ դոլար են ուզում ծախսել արևային էներգիայի վրա
Հնդկական «Ադանի գրուպ» ընկերությունը նախատեսում է 100 միլիարդ դոլար ներդնել ծրագրերում, որոնք ուղղված են հաջորդ տասնամյակի ընթացքում վերականգնվող էներգիայի աղբյուրների զարգացմանը։
Ընկերության նախագահ, միլիարդատեր Գաուտա Մադանին հայտարարել է, թե Հնդկաստանը մտադիր է մինչև 2030 թվականն ունենալ 500 ԳՎտ վերականգնվող էներգիայի հզորություն, ընդ որում գումարների ահռելի մասը ներդրվելու է հենց արևային էներգիայի մեջ։ Ադանին նշել է, թե Հնդկաստանում կառուցվելու է վերականգնվող էներգիայի խոշորագույն ինտեգրված պարկը։ Գուջարաթ նահանգում միայն այդ էլեկտրակայանն արտադրելու է ռեկորդային 30 ԳՎտ էլեկտրաէներգիա։ Ադանին նշել է, թե իրենց հավակնոտ նպատակը կպահանջի 100-ից 150 միլիարդ դոլարի ներդրումներ 6 տարվա ընթացքում։
Ակնկալվում է, որ Հնդկաստանում կանաչ էներգիան միլիոնավոր նոր աշխատատեղեր կստեղծի այնպիսի ոլորտներում, ինչպիսիք են արևային և հողմային էներգիան, էներգիայի պահեստավորումը, ջրածինը և նրա ածանցյալները, էլեկտրական մեքենաների լիցքավորման կայանները և ցանցային ենթակառուցվածքների զարգացումը։
«Ադանի գրուպը» Հնդկաստանի խոշորագույն բիզնես խմբերից մեկն է, որն իր ազդեցությունն ունի երկրի քաղաքական և տնտեսական կյանքի վրա։ Այն առաջատար դիրք է զբաղեցնում Հնդկաստանի էներգետիկայի, գյուղատնտեսության և պաշտպանական արդյունաբերության մեջ, և այս ընկերությանն են պատկանում Հնդկաստանի խոշորագույն մասնավոր ծովային նավահանգիստներից 14-ը, ինչը բոլոր նավահանգիստների մեկ քառորդ մասն է։ Ընկերությանն է պատկանում նաև 7 օդանավակայաններ։ Բոլոր այս տարածքներում արևային սարքավորումներ են տեղադրվելու։
Հայաստանն արևային վահանակներ արտադրող մեկ ընկերություն ունի՝ «Սոլարոնը»։
Անահիտ Մինասյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է