Գտնվել է արևային մարտկոցների կարկտակայունությունը բարձրացնելու միջոց

Կլիմայի փոփոխությունն ավելի ինտենսիվ է դարձնում կարկուտային փոթորիկները, ուստի ինժեներները ստիպված են նոր լուծումներ գտնել թանկարժեք արևային վահանակները վնասներից պաշտպանելու համար, գրում է habr.com-ը:

Երբ բեյսբոլի գնդակի չափ կարկուտը ժամում ավելի քան 144 կիլոմետր արագությամբ հարվածում է արևային մարտկոցին, ապա արդյունքն այնքան էլ հաճելի չէ: Դա արձանագրվել է մարտին, երբ կարկուտային փոթորիկը ոչնչացրել է Fighting Jays-ի 350 մեգավատ հզորությամբ արևային կայանը Տեխասի հարավ-արևելքում: Սոցցանցերում և նորություններում շրջանառվում էին կոտրված ապակու սպիտակ շրջանակներով պատված հազարավոր վահանակների պատկերներ: Աջ լրատվամիջոցները փորձում էին մեծացնել այս թեմայի հնչեղությունը, քանի որ այն համարում էին արևային էներգիայի անվստահելիության ապացույց։

Իրականում կարկուտի և արևային մարտկոցների հետ կապված իրականությունն ավելի բարդ է և ոչ այնքան մռայլ: Արևային մարտկոցների դիզայներներն ու արտադրողները քայլեր են ձեռնարկել նվազեցնելու կարկուտի վնասների ռիսկը եղանակի բարդ կանխատեսումների և վահանակների այնպիսի համակցությամբ, որոնք կարող են պտտվել ուղղակի ազդեցություններից խուսափելու համար:

Ներկայումս արևային ֆերմաները ոչնչացնող կարկուտների օրինակները բավական հազվադեպ են, չնայած կան: Բայց ի՞նչ կլինի 20 տարի հետո, երբ կարկտահարությունները, ամենայն հավանականությամբ, կուժեղանան, և արևային էներգիան շատ ավելի մեծ տարածք կզբաղեցնի: Արևային մարտկոցները կարկուտից պաշտպանելու կատարյալ մեթոդ չկա, սակայն կան ռիսկերը նվազեցնելու ուղիներ։

«Դուք կարող եք իրականում մեղմել ազդեցությունը, - ասում է DTN-ի եղանակային գործառնությունների փոխնախագահ Ռենի Վանդևեգենը,- մենք արտոնագրել ենք ռադարային տեխնոլոգիայի միջոցով կարկուտի առաջացումը չափելու հնարավորությունը: Երբ դուք սկանավորում եք փոթորիկները, դուք ստանում եք արձագանքներ, որոնք ասում են, որ փոթորիկը երկու դյույմ կարկուտ է առաջացնում կամ որևէ այլ սցենար»:

Այդ տվյալներն առավել օգտակար են, եթե արևային զանգվածը հագեցած է սարքավորումներով, որոնք կարող են արձագանքել մոտեցող փոթորկին կարգավորելով վահանակի անկյունը վնասը նվազեցնելու նպատակով: Ներկայումս գործող գրեթե բոլոր կոմունալ նախագծերում օգտագործվում են համակարգեր, որոնք պտտում են վահանակները՝ հետևելու արևին ամբողջ օրվա ընթացքում: Այդ թրեքերներից ոմանք ունեն «ստոու» ռեժիմի անցնելու հնարավորություն, ինչը նշանակում է, որ նրանք արագ ուղղվում են՝ ուղիղ հարվածից խուսափելու համար: Համակարգերը կառավարվում են ծրագրային ապահովման միջոցով, որը կարող է օգտագործվել կա՛մ տեղում, կա՛մ հեռակա, և ունեն մարտկոցի պահուստավորում հոսանքազրկման ժամանակ աշխատելու համար:

«Արևային էներգիան կշարունակվի՞ մշակվել և կառուցվել քաղաքային բնակավայրերում: Պատասխանը այո է: Դա տեղի կունենա հաշվի առնելով գտնվելու վայրի վրա հիմնված ռիսկի մեծությունը, ընտրելով մոդուլային տեխնոլոգիաների համապատասխան համակցությունը և հետագծերի տեղադրման հնարավորությունները», - ասել է Nextracker-ի արտադրանքի մարքեթինգի ավագ տնօրեն Գրեգ Բերդսվորթը:

Երբ Բերդսվորթը խոսում է մոդուլային տեխնոլոգիայի մասին, նա նկատի ունի այն, որ որոշ արևային վահանակներ նախագծված են ուժեղ կարկուտի վնասներին ավելի դիմացկուն լինելու համար: Բացի ավելի ամուր վահանակներից, մշակողները կարող են գնել այնպիսի պանելներ, որոնք թեքում են այնպիսի անկյան տակ, որը վերացնում է կարկուտի ուղղակի ազդեցությունը:

VDE Americas ինժեներական ընկերությունը, որը տեխնիկական խորհրդատվություն է տրամադրում էլեկտրաէներգիայի ընկերություններին, վերլուծել է փոթորկների տվյալները և եզրակացրել, որ վնասի հավանականությունը կարող էր գրեթե զրոյի հասցնել, եթե վահանակները տեղադրվեին 60 աստիճանի փոխարեն 75 աստիճանի անկյան տակ:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]