Ե՞րբ կլինի սահմանադրական հանրաքվեն
Սահմանադրական հանրաքվեն, նոր պայմանավորվածության համաձայն, նախատեսվում է անցկացնել 2027 թ., այս մասին լրագրողների հետ ճեպազրույցում հայտարարել է Արդարադատության նախարար Գրիգոր Մինասյանը։
Վարչապետի պաշտոնը զբաղեցնող Նիկոլ Փաշինյանը շաբաթներ առաջ հայտարարել էր, թե Հայաստանին ոչ թե սահմանադրական փոփոխություններ, այլ նոր Սահմանադրություն է անհրաժեշտ։ Նա նաև բարեփոխումների հանձնաժողովին հրահանգել էր նոր հայեցակարգ գրել, այն ներկայացնել մինչև 2026 թ. դեկտեմբեր։
Մինչ Փաշինյանը նոր Սահմանադրություն է փորձում մշակել, Ադրբեջանը՝ Իլհամ Ալիևի, Ամիրբեկովի և այլոց շուրթերով պարբերաբար պահանջներ է ներկայացնում՝ փոխելու ՀՀ Սահմանադրությունը, նախաբանից հեռացնելու Անկախության հռչակագրի վկայակոչումը։ Հռչակագրով, հիշեցնենք, ամրագրվում է Արցախի ինքնորոշման իրավունքը։
Արդարադատության նախարարը պնդում է. «Անկախության հռչակագրի հարց չի քննարկվել, բոլոր նիստերն առցանց հեռարձակվում են, լրագրողները կարող են այդ ամենին մասնակից լինել»։ Մինասյանի այս հայտարարությանը, մեծ հաշվով, լուրջ վերաբերվելու կարիք չկա։ Փաշինյանական իշխանությունը բազմիցս է աչքի ընկել տարբեր հայտարարություններ անելով, ապա տրամագծորեն հակառակ ուղղությամբ գործելով։ Այս հարցում էական է այն, որ գործող իշխանությունները լուրջ ախորժակ ունեն պաշտոնավարել բավական երկար, ընդհուպ 2027 թ. հանրաքվե կազմակերպել։ Թեև, ֆորս-մաժորային սրացումներն էլ չեն բացառվում։ Ի դեպ, չի բացառվում, որ Փաշինյանին հաջողվել է պայմանավորվածությունների հանգել Ադրբեջանի հետ՝ հանրաքվեն փոքր-ինչ ուշ կազմակերպելու հարցում։
Էլիզա Վարդանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Տարադրամի փոխարժեքները դեկտեմբերի 27-ին
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...
ՊՆ պաշտոնատար անձինք մեղադրվում են խոշոր չափերի հափշտակության մեջ. նախաքննությունն ավարտվել է