Գերմանիայում վերականգնվող էներգիան նոր ռեկորդ է սահմանում
Գերմանիայում վերականգնվող աղբյուրներից ստացված էներգիայի քանակը 2024 թվականի առաջին կիսամյակում կազմել է 135,2 միլիարդ ԿՎտ/ժ, ինչը 9,1 տոկոսով ավելի է 2023 թվականի առաջին կիսամյակի ցուցանիշից։ Այսպիսով, «կանաչ» էներգիայի մասնաբաժինը Գերմանիայում արտադրված էներգիայի ընդհանուր ծավալում 2024 թվականի առաջին կիսամյակում կազմել է 61,5 տոկոս՝ առավելագույնն այս ոլորտում նման վիճակագրության պահպանման ողջ ժամանակահատվածում, այսինքն՝ 2018 թվականից ի վեր։ Համեմատության համար նշենք, որ 2023 թվականի առաջին կիսամյակում գերմանական էներգետիկ ոլորտում «կանաչ» էներգիայի մասնաբաժինը կազմել է 53,3 տոկոս:
Գերմանիայում ազգային էներգիայի արտադրության առումով քամու էներգիան ապացուցել է, որ ամենակարևոր աղբյուրն է: Նրա մասնաբաժինը Գերմանիայի էներգիայի արտադրության մեջ կազմել է 33,3 տոկոս։
Միևնույն ժամանակ, աճել է արևային վահանակների միջոցով արտադրվող էներգիայի մասնաբաժինը` մինչև 13,9 տոկոս: Բացարձակ թվով այս աղբյուրից արտադրվող էներգիայի ծավալը 2024 թվականի առաջին կիսամյակում մեկ տարվա համեմատ աճել է՝ 28,2-ից հասնելով 30,5 մլրդ կՎտ/ժ-ի։ Փորձագետներն այս զարգացումը կապում են արևային էներգիայի արտադրության նոր օբյեկտների կառուցման հետ:
Ածուխը դեռևս մնում է Գերմանիայի երկրորդ ամենակարևոր էներգիայի աղբյուրը: 2024 թվականի առաջին կիսամյակում այն կազմել է երկրում արտադրված ողջ էներգիայի 20,9 տոկոսը։ Ըստ վերլուծաբանների, արդեն մեկ տարի անց ածխից ստացվող էլեկտրաէներգիայի ծավալներն ավելի կնվազեն, իսկ արևի էներգիան բոլոր շանսերն ունի դուրս գալու առաջին տեղ:
Հայաստանում արևային վահանակներ արտադրող մեկ ընկերություն կա՝ «Սոլարոնը»։
Նոնա Կարապետյան
Ընտանեկան հանգստի գոտի. «Արգիշտի ռեզորթ»-ի հաջողության պատմությունը Կոնվերս Բանկի աջակցությամբ
Առաջիկա օրերին էլեկտրաէներգիայի անջատումներ են սպասվում․ ՀԷՑ-ը հասցեներ է հրապարակել
Չեմ խնդրելու ինձ ընտրել, բայց պատրաստ եմ աշխատել բոլորիդ հետ. Դավիթ Ղազինյան
Միապետ Փաշինյա՛ն, դու ո՞ր քաղաքականությամբ ես առաջնորդվում․ Անահիտ Հակոբյան
18 արդարների գործով դատական նիստը տեղի կունենա օգոստոսի 13-ին
Միասնական ժամերգություն՝ Հայ Առաքելական Սուրբ Եկեղեցու Արագածոտնի թեմում
Փաշինյանի օրոք Հայաստանը խոսքի ազատության ցուցիչով անկում է գրանցել. Մարիաննա Ղահրամանյան
Իմ ստեղծածը փորձում են ներկայացնել որպես անարդար ունեցվածք. Ծառուկյանի ուղերձը ՔԿՀ-ից
Ֆինանսների աշխարհի գաղտնիքները՝ «Հայորդի» ճամբարում․ Idram&IDBank
Պետական մրցույթների մասնակիցների առջև դրվում են անհամաչափ ու ոչ մրցակցային պահանջներ. Լիանա Մանուկյա...