Արևային էներգիան գերազանցել է ատոմայինը

2024 թվականի համաշխարհային ատոմային արդյունաբերության վիճակի մասին զեկույցը, որը կազմել է գերմանացի մասնագետ Մայքլ Շնայդերը, խոսում է արևային էլեկտրակայանների տեղադրված հզորությունների զգալի գերազանցության մասին ատոմայինների նկատմամբ: Չնայած խաղաղ ատոմի վերածննդի շուրջ բարձրացված աղմուկին, նոր իրական ԱԷԿ նախագծեր գրեթե չկան, մինչդեռ արևային էներգետիկան զարգանում է շատ արագ:

WNISR զեկույցում նշվում է, որ 2024 թվականի դրությամբ աշխարհում կա 408 գործող ատոմային ռեակտոր, որոնք տարվա կեսին արտադրում էին ընդհանուր 367 ԳՎտ էլեկտրաէներգիա: Սա ավելի քան հինգ անգամ պակաս է արևային էլեկտրակայանների տեղադրված հզորություններից, որոնց ընդհանուր հզորությունը մոտենում է 2 ՏՎտ-ի (կանխատեսմամբ՝ 1.9 ՏՎտ հունիսի վերջի դրությամբ): Պետք է հասկանալ, որ արևային էլեկտրակայաններն աշխատում են ընդհատումներով և տարբեր արդյունավետությամբ ցերեկային ժամերին: Հետևաբար, արևային էներգետիկայի իրական արտադրությունը, ակնհայտորեն, ավելի քիչ կլինի:
Այնուամենայնիվ, արևային հզորություններն աճում են տպավորիչ տեմպերով և ակնհայտորեն կշարունակեն գերազանցել ատոմային էներգետիկան: Զեկույցում ցույց է տրվում, որ ատոմային էներգետիկան մնում է 2019 և 2021 թվականների մակարդակներից ցածր:

Հեղինակները եզրակացնում են, որ, չնայած այն տարածված կարծիքին, որ ատոմային էներգետիկան արագանում է, այն դառնում է «անհամապատասխան» համաշխարհային շուկայում: «Արևային էներգիայի և կուտակիչների օգտագործումը կարող է փոխել խաղի կանոնները՝ հարմարեցնելու քաղաքական որոշումները ընթացիկ արդյունաբերական իրողություններին», - ավելացնում են նրանք։

Հայաստանում արևային վահանակներ արտադրող մեկ ընկերություն կա՝ «Սոլարոնը»։

Անի Պողոսյան