ԵԱՏՄ երկրները պետք է ապավինեն սեփական թվային լուծումներին, ապահովեն միության տեխնոլոգիական անկախությունը. Միշուստինը՝ Երևանում
Եվրասիական տնտեսական միության երկրները պետք է հիմնվեն թվային ոլորտում իրենց սեփական զարգացումների վրա. ոչ բարեկամ երկրների լուծումների օգտագործումը կարող է դժվարություններ ստեղծել ինտեգրացիոն գործընթացների համար, հայտարարել է ՌԴ վարչապետ Միխայիլ Միշուստինը Եվրասիական տնտեսական ֆորումի լիագումար նիստում։
«Մենք կանգնած ենք լայնածավալ մարտահրավերի առաջ՝ ապահովել միության տեխնոլոգիական անկախությունը, պահպանել և մեծացնել տեխնոլոգիաների ներթափանցումը տնտեսություն, սոցիալական ոլորտ և պետական կառավարում, և մենք պետք է ապավինենք բացառապես սեփական զարգացումներին ու նորամուծություններին: Մենք պետք է շատ հստակ հասկանանք, որ թվային ինքնիշխանությունից հրաժարումը, եվրասիական տարածքում թվային փոխակերպման ներդաշնակեցման գործընթացների զսպումը, ինչպես նաև միության մի շարք անդամների կողմից Ռուսաստանի համար ոչ բարեկամական երկրների որոշումների անզգույշ իրականացումը կարող է հանգեցնել առևտրային և վարչական խոչընդոտների առաջացմանը, որոնք կարող են խարխլել ինտեգրացիոն ասոցիացիայի հիմքերը»,- նշել է նա։
Միշուստինի խոսքով, ԵԱՏՄ երկրները պետք է հիմնեն իրենց մրցունակ թվային լուծումների արտադրությունը և ընդլայնեն համագործակցությունը առաջատար տեխնոլոգիական ընկերությունների միջև։
Խոսելով տեխնոլոգիական ինքնիշխանության մասին՝ նա նշել է, որ, մասնավորապես, Ռուսաստանն արդեն սեփական արտադրանքով բավարարում է ներքին սերվերային հարթակների և տեղեկատվության պահպանման համակարգերի պահանջարկի կեսից ավելին։
«Ընդհանուր առմամբ, Ռուսաստանն ունի ժամանակակից տեխնոլոգիաներ, թվային հարթակներ և իրականացնում է մի շարք էլեկտրոնային սարքերի արտադրություն: Եվ այստեղ մենք հրավիրում ենք մեր դաշինքի գործընկերներին անցում կատարելու այդ զարգացումներին, ստեղծել լրացուցիչ պահանջարկ և ամրապնդել թվային ինքնիշխանությունը: Գալիս է ժամանակը, երբ մենք պետք է ավելի ակտիվորեն պաշտպանենք մեր ընդհանուր թվային տեխնոլոգիաների շուկան ոչ տարածաշրջանային ընկերություններից»,- ընդգծել է Միշուստինը։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է