Արայիկ Հարությունյանը կրկին Մոսկվա է մեկնում. «Հրապարակ»

«Հրապարակ» թերթը գրում է. «Արցախի նախագահ Արայիկ Հարությունյանի՝ երկու օր առաջ արած հայտարարությունը, թե պատերազմի օրերին դասալիք բոլոր պաշտոնյաները կազատվեն զբաղեցրած պաշտոններից, Արցախում բուռն քննարկման թեմա է դարձել։ Խնդիրն այն է, որ դասալքությունը քրեորեն պատժելի արարք է, եւ եթե կան դասալիքներ, ապա ԱՀ իշխանությունները պատերազմից 8-9 ամիս անց արդեն պետք է նրանց հայտնաբերած եւ պատժած լինեին։ Մինչդեռ խոսում են, որ Հարությունյանը, անձամբ իմանալով դասալիքներից շատերի մասին, պատերազմից հետո նրանց հանդուրժում է իրենց պաշտոններում։

Օրինակ՝ Արցախի հանրային ծառայությունները եւ տնտեսական մրցակցությունը կարգավորող պետական հանձնաժողովի արդեն նախկին նախագահ Արտակ Միրզոյանը, ով պատերազմի օրերին Երեւանում էր, եւ նրան լուսանկարել էին սրճարաններից մեկում, պատերազմից հետո կրկին Արցախ է վերադարձել եւ աշխատանքի անցել ՊԲ-ում։

Հարությունյանի ընդդիմախոսները կարծում են, որ այս հայտարարությունը հերթական պոպուլիստական քայլն է, քանի որ ԱՀ նախագահի դեմ վերջերս բողոքի ակցիաներ իրականացնող արցախցիներից շատերը հենց այդ հարցն էին բարձրացնում, որ իրենք պատերազմին մասնակցել, զրկանքներ են կրել, մինչդեռ դասալիքները շարունակում են իրենց պաշտոններում առոք-փառոք աշխատել։

Մեր աղբյուրները հայտնում են նաեւ, որ Հարությունյանն առաջիկա օրերին կրկին պատրաստվում է Մոսկվա մեկնել, թիմին ասել է՝ վերադառնալուն պես կնախաձեռնի քաղաքական կոնսուլտացիաներ, եւ պետական կառավարման համակարգում տեղ կզբաղեցնեն նաեւ ընդդիմադիր, իրենից դժգոհ գործիչները։ Ավելին՝ չի բացառվում, որ մոսկովյան շրջանակների հետ քննարկի նաեւ ԱՀ-ում նոր ընտրություններ անցկացնելու հնարավորության հարցը»:

Առավել մանրամասն՝ թերթի այսօրվա համարում։

 

ավելին

Որոնողական աշխատանքների արդյունքում Մատաղիսում ևս մեկ զինծառայողի աճյուն է հայտնաբերվել Օլիմպիական խաղերում Լողորդ Արթուր Բարսեղյանը չհաղթահարեց որակավորման փուլի արգելքը Նոր հաղորդագրություն Սյունիքից. Խնդրում ենք խուճապի չմատնվել Ադրբեջանական սև շուկա. ո՞ւր են գնում Արևմուտքի զենքերը. Bulgarian Military Արջը ներխուժել է մանկատուն /Տեսանյութ/ Ջրհեղեղները հասան Վրաստան. հորդառատ անձրևները հեղեղել են Բաթումիի փողոցները Եղանակը Հայաստանում. շոգը կտրուկ կնվազի Լուրջ քայլ առաջ. Հայաստանում առաջին անգամ կատարել են ողնուղեղի ալլոփոխպատվաստում Մատաղիսում աճյունների որոնողական աշխատանքներ են ընթանում Ոսկին էժանանում է Օլիմպիական չեմպիոն Խրամցովն իր հաղթանակը նվիրել է մահացած մորը Երեք ամսական երեխա է մահացել, վեց մարդ վիրավորվել Վորոնեժում տեղի ունեցած սարսափելի վթարի արդյունքում ԱՄՆ-ի լողափերից մեկում երկու գլուխ ունեցող կրիա են հայտնաբերել Հայաստանում աճել է հրդեհների թիվը Հիմա նայեք Ֆիզուլի-Շուշի թունելին ու գետինը մտեք. Բելլա Լալայան Նոր հաղորդագրություն Արցախից ՌԴ ՊՆ-ն նոր հաղորդագրություն տարածեց Գազ չի լինելու Հիվանդանոց տեղափոխված 15-ամյա պատանին մահացել է Նիկոլ Փաշինյանին ուղեկցող ավտոշարասյունը գնալով վտանգավոր է դառնում. «Փաստ»
website by Sargssyan