Հրաժարական կտամ, եթե ընտրվելուցս 3 տարի հետո իմ տված խոստումների առնվազն 80 տոկոսն իրականացված չլինեն

Զավեշտալի է, երբ մեկ տասնամյակից ավել կառավարում ես, բայց համայնքդ խնդիրներն այդպես էլ չեն լուծվել, իսկ դու կրկին համայնքի բնակիչներից ժամանակ ես խնդրում դրանք լուծելու համար: Կարծում եմ, նույնիսկ, 3 տարին է բավարար, որպեսզի Բյուրեղավանը դառնա հայաստանի լավագույն համայնքներից մեկը:

Հարցազրույց Բյուրեղավան խոշորացված համայնքի ավագանու ընտրությունների ՔՊ կուսակցության` համայնքի ղեկավարի թեկնածու Վլադիմրր Վարդևանյանի հետ:

 

- Պարոն Վարդևանյան նախընտրական արշավը  Բյուրեղավան խոշորացված համայնքում գտնվում է ակտիվ փուլում, ինչպես կգնահատեք ընթացքը:

- Ընդհանուր առմամբ, դրական եմ գնահատում, այն ինչ պլանավորել ենք, նախատեսված ժամկետներում իրականացնում ենք,  թիմը ակտիվ աշխատում է, մենք ունենք նախընտրական արշավը վարելու մեր ռազմավարությունը, որի շրջանակներում ամեն ինչ արվում է:

- Ի՞նչ խնդիրներ կան համայնքում և քաղաքացիների հետ շփումներում, հատկապես, ի՞նչ ուղերձներ եք ստանում:

- Ցավոք խնդիրները բազմաթիվ են, թե´ Բյուրեղավանում, թե´ Նուռնուսում և թե´ Ջրաբերում, որոնք տարիների անտարբերության ու վատ կառավարման արդյունք են: Բավականին սուր են դրված խմելու ջրի, թափառող շների, բնակելի շենքերի մուտքերի ու տանիքների,բակերի, խաղահրապարակների, աղբահանության, վերելակների, ճանապարհների, համայնքներում մարզամշակութային ենթակառուցվածքների, հանրային տրանսպորտի ու նամանատիպ այլ հարցերը: Կարծում եմ թվարկածիցս պարզ է դառնում, որ, գրեթե, չունենք ոլորտ, որտեղ չլինեն խորքային խնդիրներ:

- Ձեր թվարկածից տպավորություն է, որ վերջին 10-15 տարիների ընթացքում ոչինչ չի՞ արվել:

- Բյուրեղավան համայնքում որոշակի աշխատանքներ արվել են, հիմնականում, 2018 թվականի հեղափոխությունից հետո և այդ աշխատանքների ճնշող մեծամասնությունը կառավարության սուբվենցիոն ծրագրերի շրջանակներում հատկացված միջոցներով է արված, մինչդեռ որոշ մարդկանց կողմից փորձ է արվում մեր հանրությանը մոլորեցնել և այդ աշխատանքները ներկայացնել որպես սեփական ձեռքբերում:

- Դուք վերջերս հայտարարեցիք, որ Բյուրեղավանում ջրի հարցը կլուծվի 6 ամսվա ընթացքում, իսկ Ձեր մրցակիցներիցներից մեկը ,մասնավորապես, գործող համայքապետը, դա անիրատեսական ու նույնիսկ զավեշտալի որակեց, նշելով, որ ջրամատակարարման հարցի լուծումը ևս 3 տարի կպահանջի

- Այո´, ես կրկին հայտարարում եմ, որ այդ հարցը մենք կլուծենք 6 ամսում, ինչի հետ կապված պայմանավորվածություն արդեն իսկ ունենք և, եթե դիմացինդ ի զորու չէ դա անել, չի նշանակում, որ դու նույնպես չես կարող:

Գիտեք, ինձ համար զավեշտալին այն փաստն է, երբ  14 տարի ղեկավարում ես համայնքը և այդ համայնքը թաղված է խնդիրների մեջ, իսկ դու, առանց խղճի խայթի, ևս 5 տարի ես խնդրում քաղաքացիներից քո իսկ չլուծած խնդիրները լուծելու համար: Նախորդ 14 տարիների փորձը ցույց է տալիս, որ խնդիրները ոչ միայն չեն լուծվել , այլ խորացել ու նորերն են ավելացել և այս պարագայում, նոր խոստումներ տալ, երբ դու նախորդ տված խոստումերը չես կատարել, արդեն իսկ զավեշտ է: Եվ ընդհանրապես, ոչ թե 14, այլ, ընդամենը, 5 տարին բավարար էր, որպեսզի Բյուրեղավանը դառնար Հայաստանի ամենազարգացած բնակավայրերից մեկը, դրա բոլոր հնարավորությունները կան:

Պաշտոնապես հայտարարում եմ, որ ես հրաժարական կտամ, եթե  ընտրվելուց  3 տարի հետո իմ նախընտրական խոստումների, առնվազն, 80 տոկոսն իրականություն դարձած չլինեն:

Այո´, խնդիրը շատ պարզ է, կամ պետք է համակերպվել իրականության հետ, կամ գնալ փոփոխությունների: Մենք գալիս ենք այդ փոփոխություններն իրականացնելու համար: Բյուրեղավան, Նուռնուս և Ջրաբեր համայնքի մեր քաղաքացիներն արժանի են 21-րդ դարին հարիր համայնք ունենալուն, հետևաբար, ժամանակն է փոփոխությունների:

Հոլանդացի գիտնականների նոր գյուտը՝ խթան արևային էներգիայի արտադրության համար Ավետիք Չալաբյանի դատական նիստը. ՈՒՂԻՂ Ոչ մի խաղաղության պայմանագիր չի փրկի Հայաստանը, եթե իշխանության մնա Փաշինյանը, իսկ Ադրբեջանում՝ Ալիևը. Չալաբյան Միայն զենքո՛վ է հնարավոր վերականգնել և պաշտպանել Հայաստանի տարածքային ամբողջականությունը. ստեղծել 100.000-անոց ԱԶԳ-ԲԱՆԱԿ Այցելելու եմ Աջափնյակ վարչական շրջան՝ բնակիչների հետ ծանոթանալու, նրանց կարիքները հասկանալու ու լուծումներ քննարկելու համար. Տիգրան Ավինյան Ռուս գիտնականները նոր բաղադրիչով ավելի արդյունավետ են դարձնում արևային մարտկոցները «Սեփական ռեսուրսների շուրջ 34 տոկոսը պետք է 50 տոկոսի հասցնել. արևային էներգիայի պոտենցիալը շատ մեծ է»․ «Փաստ» Ելքը Հայաստանի դեպքում ռազմականացումն է, ասածս, ցավոք, ուշացումով է տեղ հասնում. Ավետիք Չալաբյան Մեր փոքրիկ ու վտանգված հայրենիքի ապագան հերթական անգամ կախված է կրկին փոփոխվող աշխարհակարգի դաժան սցենարներից. Արտակ Զաքարյան Բելգիայում արևային մարտկոցների շնորհիվ վարձավճարների խնայելու միջոց են գտել Եթե հույսդ սանկցիաներն են հարևան երկրի նկատմամբ, ապա դա ոչ մի արդյունք, բացի «բարոյական հաղթանակից» չի տալու. Կարեն Քոչարյան Հնդկաստանի հետ գործարքը դիվերսիֆիկացնում է Հայաստան զենքի մատակարարումների աշխարհագրությունը. Ավետիք Չալաբյան Հայաստանում հիմնվել է խխունջաբուծության առաջին ֆերման Արա Աբրահամյանը՝ Լևոն Տեր-Պետրոսյանի մասին Զանգեզուրի պղնձամոլիբդենային կոմբինատի պաշարները կարող են օգտագործվել մինչև 100 տարի և ավելի. փոխտնօրենի հարցազրույցը Սգում և խոնարհվում ենք կործանարար պատերազմի հետևանքով անմահացած մեր հերոս եղբայրների հիշատակի առաջ․ Հենրիխ Դանիելյան Անհապաղ պետք է բանակցողին փոխենք. Վահե Հակոբյան 2020-ի սեպտեմբերի 27-ին Ադրբեջանը սանձազերծեց արցախյան երրորդ պատերազմը՝ 44 օր տևած արյունալի արհավիրքը Նիժնի Նովգորոդում գործարկվել է արևային էներգիայով աշխատող առաջին լուսացույցը Կոմիտաս Վարդապետի 153-ամյակի առթիվ այսօր Հայր Ասողիկ աբեղա Կարապետյանը հոգեհանգստյան կարգ անցկացրեց Կոմիտասի պանթեոնում
website by Sargssyan