Փաշինյանի հերթական հակառուսական դեմարշը

Հայաստանի վարչապետի պաշտոնը զբաղեցնող Նիկոլ Փաշինյանը հրաժարվել է մասնակցել նոյեմբերի 23-ին Մինսկում կայանալիք ՀԱՊԿ հավաքական անվտանգության խորհրդի նիստին։ Փաշինյանն այդ մասին ասել է Բելառուսի նախագահ Ալեքսանդր Լուկաշենկոյի հետ հեռախոսազրույցում, ընդ որում Հայաստանի կառավարությունը հատուկ ընդգծում է, որ հեռախոսազրույցի նախաձեռնողը բելառուսական կողմն է եղել։

Փաշինյանը հույս է հայտնել, որ ՀԱՊԿ գործընկերներն ըմբռնումով կվերաբերվեն այս որոշմանը, չմեկնելու պատճառների մասին հաղորդագրությունում ոչինչ չի նշվում։ Եթե հավատանք վարչապետի աշխատակազմի տարածած հաղորդագրությանը, ապա Ալեքսանդր Լուկաշենկոն անձամբ է զանգահարել Փաշինյանին համոզելու մի կողմ դնել իր տարաձայնությունները և մասնակցել կարևոր այդ միջոցառմանը, սակայն Փաշինյանը, ի սկզբանե, մտադրված է եղել հրաժարվել։

ՀԱՊԿ-ի նկատմամբ Հայաստանը տևական ժամանակ վերապահումներ ունի, սակայն այս դեմարշը ոչ այնքան Բելառուսի կամ Ղազախստանի, որքան հենց Ռուսաստանի դեմ է, ուստի, բնավ զարմանալի չէ, որ առաջինն արձագանքել է պաշտոնական Կրեմլը։ Ռուսաստանի նախագահի մամուլի քարտուղար Դմիտրի Պեսկովը հայտարարել է, թե Կրեմլը ցավում է, որ Հայաստանի վարչապետ Նիկոլ Փաշինյանը չի մասնակցելու առաջիկա գագաթնաժողովին։ «Եթե դա իսկապես այդպես է, ապա մենք կարող ենք ափսոսանք հայտնել, քանի որ նման հանդիպումները շատ լավ առիթ են կարծիքներ փոխանակելու, դիրքորոշումները ճշգրտելու համար»,- նշել է Պեսկովը, միաժամանակ ընդգծել, թե ՀԱՊԿ ձևաչափը մնում է արդիական և այդ հանդիպումները, որոնք կազմակերպում և անցկացվում են ՀԱՊԿ շրջանակներում վկայում են դրա մասին։

Տևական ժամանակ Հայաստանի գործող վարչախումբը հակառուսական քայլերի դրսևորումների մեջ խտրականություն այլևս չի դնում։ Փաշինյանը հրաժարվել էր մեկնել Բիշքեկ մասնակցելու ԱՊՀ երկրների ղեկավարների գագաթնաժողովին, Անվտանգության խորհրդի քարտուղար Արմեն Գրիգորյանն էլ օրերս չէր մեկնել Մոսկվա և չէր մասնակցել անվտանգության խորհուրդների քարտուղարների հավաքին, փոխարենը Հայաստանում ընդունել էին ԵԱՀԿ Մինսկի խմբի ամերիկացի համանախագահին։ Գրիգորյանը նաև ուղևորվել էր Բրյուսել, որտեղ էլ հանդիպումներ էր ունեցել եվրոպացիների հետ, նաև հայտարարել, թե Հայաստանը միանշանակ կողմ է բանակցությունների բրյուսելյան հարթակին։ Իսկ Ռուսաստանի առաջարկին՝ Մոսկվայում արտգործնախարարների հանդիպում անցկացնել, Հայաստանը մինչ օրս չի պատասխանել, ինչը վկայում է, որ սա կոնկրետ քաղաքականություն է և հղի լուրջ հետևանքներով։

Գայանե Կարապետյան

2023 թվականի դեկտեմբերի 1-2-ը Երևանի Գ. Սունդուկյանի անվան ազգային ակադեմիական թատրոնում կկայանա «Գիտության և գործարարության օրեր 2023» միջոցառումը Արևային էներգետիկան մեծ զարգացում է ապրում Հայաստանում ՀՀ Էկոնոմիկայի փոխնախարար Անի Իսպիրյանն անդրադառնում է «Գիտության և գործարարության օրեր 2023» համաժողովի անցկացման մանրամասներին Ինչո՞ւ է թանկացել բենզինը ՀՀ–ում Հայաստանին տնտեսական աղետ է սպառնում, իսկ Փաշինյանի հեչ պետքն էլ չէ Սրանք գնացել են գլուխները պատին են տվել, արդյունքում Լարսում կանգնած տնտեսվարողի գլուխն է ցավում Նիկոլի միակ ընտրությունը Թուրքիան է. Իշխան Սաղաթելյանը՝ ՀՀ արտաքին քաղաքականության վեկտորի փոփոխության մասին Նասիմ Թալեբը այցելում է Հայաստան. Ո՞վ է նա «Գիտության և գործարարության օրեր 2023» ամենամյա համաժողովի շրջանակներում դեկտեմբերի 2-ին տեղի կունենա «Գլոբալ միտումները և Հայաստանը․Հայացք դեպի ապագա» պանելային քննարկումը Չսխալվելու ինչ-որ մղում կա, որ մեզնից յուրաքանչյուրին պարալիզացնում է. Սուրեն Սահակյան ԽԾԲ-ն և դրա հետևանքներն ապօրինի բիզնեսի վրա Փաշինյանը խոստովանում է իր ձախողումը կոռուպցիայի դեմ պայքարում Լարսի փակումը տնտեսական կոլապսի կարող է հանգեցնել Կոնվերս Բանկը «Եվրոթերմ»-ի կորպորատիվ պարտատոմսերի տեղաբաշխողն է Արմեն Օրուջյանը «Գիտության և գործարարության օրեր 2023»-ի բանախոսներից է Մենուա Սողոմոնյանը գիտաժողովին հանդես է եկել «Հարավային Կովկասի աշխարհաքաղաքական ճարտարապետության և դինամիկայի ուսումնասիրության տեսական-հայեցակարգային հենքը» թեմայով գիտական զեկուցմամբ Դեկտեմբերի 1-2-ը Երևանի Գ. Սունդուկյանի անվան ազգային ակադեմիական թատրոնում կկայանա «Գիտության և գործարարության օրեր 2023» միջոցառումը «Գիտական համակարգը՝ որպես Հայաստանի տնտեսության մրցակցության գրավական» պանելային քննարկում «Գիտության և գործարարության օրեր 2023» համաժողովի նպատակն է դառնալ նորարական բիզնես գաղափարներն ու գիտական հայտնագործությունները կամրջող հարթակ՝ ի նպաստ Հայաստանի տնտեսության զարգացման Դպրոցականների արձակուրդների օրերը հայտնի են
website by Sargssyan