Փաշինյանը՝ մանիպուլյացիայի «արքա»

Բանակցային այն իրավիճակը, որ ժառանգել ենք, այդ իրավիճակում առաջ գնալու անխուսափելի ճանապարհը ոչ միայն տարածքների հանձնում և այլն, այլև Լեռնային Ղարաբաղում պետական հաստատված կարգի լուծարումը և զրոյացումն էր»,- «Քաղաքացիական պայմանագիր» կուսակցության նախաձեռնող խմբի նիստին ասել է վարչապետ Նիկոլ Փաշինյանը:

Նա նշել է, որ այս թեմայով չի խոսվել, քանի որ եթե խոսեին, պետք է ժողովրդին ասեին, որ 30 տարի ուղղակի ժամանակ են վատնել ու ռեսուրսները ծախսել են մի խնդրի վրա, որն ի սկզբանե անլուծելի էր:

«Ինչո՞ւ էր ի սկզբանե անլուծելի, մի քանի պատճառներով՝ ՄԱԿ-ի անվտանգության խորհրդի բանաձևերի պատճառով: Եվ մեզ հիմա շատ են մեղադրում՝ ասելով, որ ի սկզբանե ասացիք, որ հետամուտ կլինեք Լեռնային Ղարաբաղի ինքնորոշման խնդրին, բայց հետամուտ չեղաք: Ինչքանո՞վ է օբյեկտիվ այս մեղադրանքը։ Ամբողջ խնդիրն այն է, որ մենք ոչ միայն ասել ենք, այլև փորձել ենք հասկանալ՝ ինչ է ինքնորոշման իրավունքը»,- ընդգծել է վարչապետը։

Այսպիսով, Նիկոլ Փաշինյանը հերթական անգամ դիմում է մանիպուլյացիայի՝ տպավորություն ստեղծելով, թե ԼՂ, ըստ էության, կործանված էր արդեն մինչև 2018-ը:
Սա էժան քարոզչական հնարք է, որովհետև կարգավորման բոլոր փաստաթղթերով ԼՂ-ի հայկականությունը երաշխավորված էր, այդ թվում՝ այն փաստաթղթով, որը 2019-ին դրված էր Նիկոլ Փաշինյանի սեղանին ու մերժվեց նրա կողմից:

ԼՂ-ի կործանման հիմքերը պետք է փնտրել Փաշինյանի նախապատերազմյան արկածախնդիր քաղաքականության մեջ, ինչն, ի վերջո, հանգեցրեց մահաբեր պատերազմին:

Բայց անգամ Նոյեմբերի 9-ի եռակողմ հայտարարությունը՝ մեզ համար ոչ բարենպաստ փաստաթուղթը, պահպանում էր ԼՂ-ի սահմանափակ սուբեկտությունը, որի կարգավիճակը կանխորոշված չէր:

Երրորդ հանրապետության առաջին ղեկավարը, ով Արցախի ճանաչեց Ադրբեջանի մաս, Նիկոլ Փաշինյանն էր՝ Պրահայի քառակողմ հայտարարությամբ:

Սա է իրականությունը:

Մի կողմ թողնենք այն հանգամանքը, որ Փաշինյանը դարձյալ մանիպուլացնում է փաստերը՝ Արցախի կործանման պատասխանատվությունից խուսափելու համար:

Ավելի էական է այն, որ 2018-ին նա գիտակցել է, որ «Լեռնային Ղարաբաղի լուծարման գործընթացն անխուսափելի է», բայց գնացել է բացահայտ արկածախնդրության, հրաժարվել է լուծումներից, «Արցախը Հայաստան է և վերջ» արկածախնդրությամբ սադրել է հակառակորդին՝ դառնալով նվաստացուցիչ պատերազմի, տարածքային և մարդկային կորուստների պատասխանատու:

Ավելին, Փաշինյանը Հայաստանին ու հայ ժողովրդին խաբել է անգամ մարդակուլ պատերազմից հետո՝ թեև 2018-ից իմացել է, որ «Լեռնային Ղարաբաղի լուծարման գործընթացն անխուսափելի էր»: Նա 2021-ին ընտրություններին մասնակցել է «Անջատում՝ հանուն փրկության» կարգախոսով:

Փաստորեն, հանուն իշխանության նա ստորաբար խաբել է հայ ժողովրդին:

Մինչև պատերազմը նրան հանգիստ չէր տալիս Տիգրան Մեծի փառքը ու դրա համար հայ ժողովուրդը ծանր գին վճարեց:

Հիմա նա ամեն գնով փորձում է պահել իշխանությունը՝ չխորշելով ոչ մի կեղծիքից:

Սրա համար դարձյալ ծանր գին է վճարելու հայ ժողովուրդը:

Ազգակործան պատուհասը հո պոզով-պոչով չի՞ լինում...

Վահրամ Բագրատյան

Մհեր Գրիգորյանին կհեռացնեն, բայց ոչ հիմա «Զվարթնոցից» կհեռացնեն ռուս սահմանապահներին ԱՄՆ-ը հայտարարել է Իրանի դեմ նոր պատժամիջոցներ սահմանելու մասին՝ Ռուսաստանի հետ համագործակցության համար ԱԱ-27. Հայաստանի բասկետբոլի հավաքականը պարտվեց Ավստրիային Սպանություն՝ Երևանի կենտրոնում. կասկածյալը սպանվածի որդին է Եվրոպական խորհրդարանը հաջորդ շաբաթ բանաձև կքննարկի Հայաստանի հետ ԵՄ վիզաների ազատականացման վերաբերյալ Փետրվարի 25-ին, ժ.12:00-ից 18:00-ն, Շառլ Ազնավուրի հրապարակում տեղի կունենա «Երևանը կարդում է» խորագրով գրքի տոնը Լըկորնյուի հետ Երևան են մեկնել ռազմարդյունաբերական մի շարք ընկերությունների ներկայացուցիչներ․ Politico Դանակը ոսկորին է հասել, Փաշինյանը երկիրը մորթում է, ուժեղ դիմադրություն ենք ցույց տալու Ռուբլին էժանացել է․ փոխարժեքն՝ այսօր Հնարավոր են հաճելի անակնկալներ, նվերներ. փետրվարի 23-ի աստղագուշակ Օդի ջերմաստիճանն կնվազի 4-6 աստիճանով. ձյուն կտեղա՞ Տարադրամի փոխարժեքներն այսօր Ռուբեն Վարդանյանի նման մարդը, ով հսկայական գործեր է արել իր հայրենիքի համար՝ մինչև հիմա Բաքվի բանտում է․ Դավիթ Մանուկյան Ամերիաբանկի և BOGG-ի հաջող գործարքը կարող է էժան փողեր ու ներդրումներ բերել Հայաստան․ փորձագետ Օրերս լրացավ «ԱՊՐԵԼՈՒ» բարեգործական հիմնադրամի ստեղծման երկու տարին. Մարատ Գերասիմյան Կրթական ուղևորությունը դեպի ԱՄԷ հայ պատանի երաժիշտների համար ունեցավ մեծ հաջողություն Մյունխենում շահեցին բոլորը, բացի Հայաստանից. Մենուա Սողոմոնյան Արցախի իշխանությունների դեմ բռնաճնշումները գնալով ավելի են ուժգնանում ՌԴ անխոհեմ քայլը կարող է կրկին սրել հայ-ռուսական հարաբերությունները
website by Sargssyan