ՀՀ-ում շարունակում են գերակշռել կենցաղային բնույթի սպանությունները. ցուցանիշներ
Ընթացիկ տարում բացահայտվել է խոշորամասշտաբ, ներդրումային խարդախություններով զբաղվող երեք խումբ:
Այս մասին 1 տարվա աշխատանքներն ամփոփելիս ասել է ՀՀ ՆԳ նախարար Արփինե Սարգսյանը՝ ներկայացնելով տարվա ընթացքում իրականացված և ընթացքի մեջ գտնվող աշխատանքները:
Անդրադառնալով հանցագործությունների բացահայտումներին, նախարարը նշել է, որ միայն քրեական ոստիկանության կողմից բացահայտված դեպքերով պետությանը և համայնքին պատճառված վնասը նախնական հաշվարկներով կազմել է շուրջ 25 մլրդ դրամ: Կան նախաձեռնված քրեական վարույթներ, վերականգնված միջոցներ:
Նախորդ տարվա համեմատ, շուրջ 60 տոկոսով աճել է առգրավված, հայտնաբերված, բացատրական աշխատանքների շնորհիվ կամավոր հանձնված հրազենի թիվը:
Ընթացիկ տարում ծանր և առանձնապես ծանր հանցագործությունների մասնաբաժինը ընդհանուր հանցագործությունների կազմում նվազել է 0,7 տոկոսով: Հանցավորության կառուցվածքը շարունակում է մնալ կայուն: 85,7 տոկոսը բաժին է ընկնում ոչ բարձր հանրային վտանգավորություն ունեցող, ոչ մեծ և միջին ծանրության հանցագործություններին:
Իրականացված աշխատանքների արդյունքում գրանցված հանցագործություններով բացահայտման արդյունավետությունը բարձրացել է: Հանցագործությունների թիվը, որոնցով կա որպես մեղադրյալ ներգրավված անձ, աճել է 3,5 տոկոսով, առանձնապես ծանր հանցագործություններով՝ 9,9, ծանրով՝ 5,8 տոկոսով:
ՀՀ-ում սպանությունները հանցավորության ընդհանուր կառուցվածքում կազմում են 0,2 տոկոս, շարունակում են գերակշռել կենցաղային բնույթի սպանությունները, որոնք վերջին տարիների կտվածքով կտրուկ և վտանգավոր աճի տեմպեր չունեն: ՄԱԿ-ի թմրամիջոցների և հանցավորության դեմ պայքարի գրասենյակի սպանությունների վերաբերյալ համաշխարհային հրապարակումներով 100 հազար բնակչության հաշվով սպանությունների միջին ցուցանիշը 2021-ին կազմել է 5,8 դեպք: Նույն մեթոդաբանությամբ Հայաստանի համար հաշվարկված տվյալները եղել են ավելի ցածր՝ 2021-ին՝ 2, 2022 թվականին՝ 1,9, 2023-ին՝ 1,8, 2024 թվականին՝ 2:
«Այս տվյալները փաստում են, որ Հայաստանը գտնվում է համաշխարհային միջինից էականորեն ավելի լավ մակարդակում: Ավելին, միջազգային տարբեր կազմակերպությունների, հարթակների կողմից հրապարակվող վարկանիշային գնահատումներով մեր երկիրը համարվում է աշխարհի ամենաանվտանգ պետություններից մեկը»,- ասել է նախարարը:
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
Իշխանությունների թիրախում են ակտիվ արցախցիները. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր