Արևային էներգիան Չինաստանի Տակլամական անապատը վերածում է կանաչ միջանցքի

Մոլորակի ամենադժվար անապատային շրջաններից մեկով անցնող 522 կիլոմետրանոց մայրուղին հասել է կարևոր բնապահպանական նշաձողի. այն արդեն արտադրել է ավելի քան 15 միլիոն կիլովատտ-ժամ արևային էներգիա, ինչը ապացուցում է, որ նույնիսկ ամենաանբարենպաստ պայմանները կարող են ծառայել որպես կայուն ենթակառուցվածքների հարթակ, գրում է naked-science.ru–ն։

Թարիմ անապատի մայրուղին, որն անցնում է Չինաստանի հյուսիս-արևմուտքում գտնվող Տակլամական անապատով մի վայր է, որն այնքան անհյուրընկալ է, որ հայտնի է որպես «Մահվան ծով», դարձել է ածխածնազուրկ ճանապարհների շահագործման գործող մոդել արևային էներգիայով աշխատող ոռոգման համակարգի գործարկումից հետո։

Պետական ​​էներգետիկ հսկա Չինաստանի ազգային նավթային կորպորացիան (CNPC) հայտարարել է, որ նախագծի 109 արևային պոմպակայանները այժմ ապահովում են 436 կիլոմետրանոց պաշտպանիչ կանաչ գոտու լիարժեք հզորությունը՝ էկոլոգիական պատնեշ, որը պաշտպանում է ճանապարհը շարժվող ավազներից։

Երբ երթուղու երկայնքով գտնվող սաքսաուլի մացառուտները  մտել են իրենց ծաղկման շրջան, ոռոգման համակարգերը ամբողջությամբ սնուցվելով արևի լույսով, առանց դիզելային վառելիքի օգտագործման հասել են իրենց գագաթնակետային տարեկան հզորությանը։ Մինչ օրս ստացված 15 միլիոն կիլովատտ-ժամը փոխարինել է ավելի քան 4100 տոննա դիզելային վառելիքի և կրճատել ածխաթթու գազի արտանետումները մոտավորապես 14200 տոննայով, որը համեմատելի է անապատում գրեթե 800,000 ածխածին կլանող ծառերի տնկման հետ։

CNPC-ի «Թարիմ նավթային դաշտի» ստորաբաժանումը այս մոդելը կիրառել է ամբողջ տարածաշրջանում կառուցելով հինգ խոշոր արևային էլեկտրակայաններ և իրականացնելով 239 բաշխված ֆոտովոլտային նախագծեր 2.6 միլիոն կիլովատտ ընդհանուր հզորությամբ։

Հայաստանում արևային պանելներ արտադրող առաջին և միակ ընկերությունը Սոլարոնն է։

Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]