Քաջարանից դեպի համաշխարհային շուկա․ ԶՊՄԿ-ի տնտեսական նշանակությունը

Հայաստանի հանքարդյունաբերության ոլորտում Զանգեզուրի պղնձամոլիբդենային կոմբինատը շարունակում է պահպանել իր կարևոր դերակատարումը՝ նպաստելով երկրի արդյունաբերական և տնտեսական զարգացմանը։

Քաջարանում գործող ընկերությունը տասնամյակների պատմություն ունի և այսօր հանդիսանում է տարածաշրջանի խոշոր գործատուներից մեկը։ ԶՊՄԿ-ում աշխատում է ավելի քան 4800 մարդ, որոնց մեծ մասը Սյունիքի համայնքների բնակիչներ են։ Ընկերության գործունեությունը միաժամանակ ապահովում է արտադրական գործընթացների շարունակականությունը և տնտեսական ակտիվություն ստեղծում հարակից համայնքներում։

Կոմբինատը զբաղվում է պղնձի և մոլիբդենի խտանյութերի արտադրությամբ։ Ընկերության արտադրական ցուցանիշները նաև ընդգծում են Հայաստանի հանքարդյունաբերության տեղը միջազգային շուկայում. 2025 թվականին ԶՊՄԿ-ի մոլիբդենի արտադրությունը կազմել է համաշխարհային արտադրության շուրջ 2.2 տոկոսը։

Past.am-ի հետ համագործակցության շրջանակում առաջիկայում կներկայացնենք նաև ընկերության տնտեսական, սոցիալական և համայնքային ծրագրերը՝ ցույց տալով, թե ինչպես է խոշոր արդյունաբերական ձեռնարկության գործունեությունն անդրադառնում տարածաշրջանի զարգացման վրա։

Այսօր ԶՊՄԿ-ի գործունեությունը ներառում է ոչ միայն արտադրական գործընթացներ, այլև համայնքային, սոցիալական և կրթամշակութային նախաձեռնություններ, որոնք լրացնում են ընկերության տնտեսական դերակատարումը։