ԱՄՆ-ում ստեղծել են անօդաչու, որը կարող է թռչնի նման նստել ճյուղերին

Սթենֆորդի համալսարանի ամերիկացի գիտնականները ցուցադրել են թռչնի ճանկերին նմանվող համակարգով քվադրոկոպտեր։ SNAG համակարգը նման է թռչունների վերջույթների անատոմիային եւ հնարավորություն է տալիս անօդաչուին նստել ծառերի ճյուղերի վրա, ինչպես նաեւ բռնել առարկաները եւ տեղափոխել դրանք օդով: Թեմայի վերաբերյալ հոդված է հայտնվել Science Robotics-ի էջերում։

Ինժեներները երկար ժամանակ փորձել են «թռչնի վերջույթներ» ստեղծել անօդաչու թռչող սարքերի համար, սակայն մինչ այժմ դրանք եղել են միայն նախատիպեր: Այժմ Սթենֆորդի գիտնականները ներկայացրել են SNAG (Stereotyped Nature-Inspired Aerial Grasper) համակարգը, որը դրոններին հնարավորություն է տալիս վայրէջք կատարել ծառերի վրա եւ ոչ միայն:

Համակարգը հիմնված է 3D տպագրության տեխնոլոգիայի միջոցով ստեղծված կառուցվածքների վրա, որոնք շարժման մեջ են դրվում ջլերի նմանվող կարթաթելերով։ Մեկ էլեկտրական շարժիչն ամբողջությամբ շարժում է թաթը, երկրորդը պատասխանատու է արհեստական ​​մատների համար։ Կարթաթելերը միահյուսվում են հատուկ ձեւով՝ կրկնելով թռչնի վերջույթի իրական անատոմիան, ուստի վայրէջքի ժամանակ հարվածի դեպքում էներգիայի մի մասը վերաուղղվում է առարկաներն ավելի արագ եւ ուժեղ բռնելուն:

Փորձարկումները ցույց են տվել, որ SNAG համակարգով անօդաչու թռչող սարքը կարող է ոչ միայն իջնել ճյուղերի ու ցանկապատերի վրա, այլեւ բռնել օդում գտնվող առարկաները։ Ակնհայտ է, որ բեկումնային տեխնոլոգիան տպավորիչ կոմերցիոն ապագա ունի: