2021 թվականին լրագրողների ռեկորդային թիվ է հայտնվել ճաղերի հետեւում
2021 թվականին աշխարհում ռեկորդային 293 լրագրող է կալանավորվել։ Սա ամենաբարձր ցուցանիշն է դարձել, ասվում է Լրագրողների պաշտպանության միջազգային կոմիտեի (ԼՊԿ)` հինգշաբթի հրապարակված զեկույցում:
«Կոմիտեն պարզել է, որ 2021 թվականին իրենց մասնագիտական պարտականությունները կատարելու համար բանտարկված մեդիա ոլորտի մասնագետների թիվը հասել է ռեկորդային 293 մարդու։ Առնվազն 24 լրագրող մահացել է այս տարի իրենց մասնագիտական գործունեության արդյունքում, եւս 18-ը մահացել է անհասկանալի հանգամանքներում»,- ասվում է ԱՄՆ-ում գործող կոմիտեի հայտարարության մեջ։
Իրավապաշտպանները նշում են, որ 2020 թվականին ձերբակալվածների թիվը կազմել է 280 մարդ:
Միջազգային կազմակերպության գնահատականներով՝ պարզվել է, որ լրատվամիջոցների ձերբակալված աշխատակիցների մեծ մասը Չինաստանում է՝ 50 մարդ։ Մյանմարը երկրորդն է (26)՝ զինված ուժերի իշխանության գալուց հետո տեղի ունեցած իրադարձություններով պայմանավորված։ Դրան հաջորդում են Եգիպտոսը (25), Վիետնամը (23) եւ Բելառուսը (19): Տասնյակում են նաեւ Թուրքիան (18), Էրիթրեան (16), Սաուդյան Արաբիան (14), Իրանը (11): Ռուսաստանում, ըստ զեկույցի, 14 լրագրող է կալանավորվել։ Արեւմտյան Եվրոպայի երկրներում եւ ԱՄՆ-ում, կոմիտեի տվյալներով, նման դեպքեր չեն եղել։
Թուրքիան ավելի վաղ զբաղեցնում էր առաջին տեղը նմանատիպ ցուցակներում։ Անցյալ տարի թուրքական իշխանություններն ազատ արձակեցին 20 մարդու, սակայն զեկույցի հեղինակները հակված չեն դա որպես խոսքի ազատության հետ կապված իրավիճակի բարելավման նշան դիտարկել: Ինչ վերաբերում է Սաուդյան Արաբիային, կոմիտեն նշում է, որ 2018 թվականին լրագրող Ջամալ Հաշաքջիի սպանությունը «ավելի արդյունավետորեն լռեցրեց լրագրողական համայնքը, քան ձերբակալությունների նոր ալիքները»։
«Աշխարհում ձերբակալված լրագրողների թիվը վեցերորդ տարին անընդմեջ 250-ը գերազանցելու պատճառները տարբեր երկրներում տարբեր են: Բայց ամենուր նկատվում է հստակ միտում՝ անկախ լրագրության աճող մերժում»,- ասվում է զեկույցում։
Ինչպես նշում է կազմակերպությունը, 2021 թվականին ամբողջ աշխարհում 19 մարդ է սպանվել իրենց մասնագիտական գործունեության համար, երեքը սպանվել են «թեժ կետերում» աշխատելիս, եւս երկուսը՝ փողոցային բողոքի ցույցերը լուսաբանելիս։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Ինչո՞ւ են իշխանությունները թիրախավորել դատավորին. «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...