Գլխավոր Լրահոս Վիդեո Կիսվել
Ձեզ եմ ներկայացնում Ռուսաստանի Դաշնության Պետական Դումայի փոխնախագահ Պյոտր Տոլստոյի պաշտոնական շնորհակալագիրը․ Մհեր Ավետիսյան Դե, մարդիկ այլ բանով են զբաղված. «Փաստ» «Վախեցողների» կենսաթոշակային պոպուլիզմը. «Փաստ» Որոշումը կայացրել էին ու ընկել կրակը. ինչո՞ւ է ստիպված հետքայլ անում իշխանությունը. «Փաստ» Գյումրու տոնը՝ քաղաքական բևեռացման ու սուր հակամարտության ֆոնին. «Փաստ» «Մեր ձևով» շարժումը մարզերում առաջին քայլը սկսեց Գյումրիից Հայտնի է՝ ով կդառնա Փարաքարի համայնքապետ. «Փաստ» Ժողովրդական վստահությունն՝ ընդդեմ քաղաքական անհանդուրժողականության. «Փաստ» «Պետական պարտքի շարունակական ավելացումը պետբյուջեի համար բավական լուրջ բեռ է ստեղծել». «Փաստ» Ինչպե՞ս կարձագանքեն եվրոպացի չինովնիկները քաղբանտարկյալների թեմային. «Փաստ» Ո՞ւմ թեկնածությունն են առաջադրելու Փարաքար համայնքի ղեկավարի ընտրություններում. «Փաստ» «Զոհի մեղադրանքը»՝ որպես պետական քաղաքականություն. «Փաստ»
Փաշինյանին ասել եմ՝ «քեզ փոխանցել ենք Արցախի Հայնրապետություն, մտածիր՝ ի՞նչ ես թողնելու քեզնից հետո»ՀՀ դեսպանը և սենատոր Դեյնսը քննարկել են TRIPP-ի շրջանակում համագործակցության նոր հնարավորություններըՄանրէաբանական շեղումներ՝ «Զավիկի ղարսում»․ կասեցվել է հանրային սննդի օբյեկտի գործունեությունըՎեհափառն Արցախի պաշտոնյաների հետ քննարկել է ռшզմագերիների ազատ արձակմանն առնչվող հարցերԱպօրինի մուտք են գործել «ՀԷՑ»-ի Գորիսի մասնաճյուղի գլխավոր ճարտարագետի տուն և գողացել ոսկյա զարդերՌազմական բյուջեն՝ իբրեւ սպառնալիք խաղաղության գործընթացին.ո՞ւմ վրա են հույս դրել ՀՀ իշխանությունները ԿԸՀ-ն բաշխել է Վաղարշապատ համայնքի ՏԻՄ ընտրություններում ՏԻՄ նախագահի և քարտուղարի պաշտոնները«Չորրորդ» ադրբեջանական հանրապետությունը հիմնվում է «խաղաղության» մասին խաբեբայության վրա. ԶուրաբյանՎաղարշապատում բախվել են «VAZ 2107»-ն ու բեռնատար «ZIL»-ը. կա վիրավորՌուբինյան-Քըլըչ ձևաչափը, որ երեք տարուց ավելի գործում է, որերորդ անգամ անդրադառնում է Կարս-Գյումրի երկաթգծի գործարկման հարցին, բայց առաջընթացը զրոյական է․ Մենուա ՍողոմոնյանԴիպլոմ՝ կանխիկի դիմաց. հնդիկ ուսանողները` իրենց խաբած գործակալների մասին․ «Հետք»«Նուբարաշեն» ՔԿՀ տեղափոխված Արսեն Ղուկասյանի կյանքին վտանգ է սպառնում. փաստաբանՍպիտակ-Վանաձոր երթուղին սպասարկող «ПАЗ»-ը վրաերթի է ենթարկել հետիոտնին. վերջինս մահացել էՂարիբ Բաբայանի քրեական հետապնդման ժամկետները կասեցվել ենՇարունակվում է ԼՂ-ից բռնի տեղահանվածների բնակարանային ապահովման առցանց դիմումների ընդունումը․ ԱՍՀՆՄեղրի համայնքին կվերադարձվի 0.8 հա մակերեսով հողամաս․ հայցը բավարարվել էԳիտության համապետական տոնը համախմբել է շուրջ 35 000 մասնակցիԻնչու՞ են նախկին դատավորներն ու դատախազները միջինից 27 անգամ ավել թոշակ ստանում. Հրայր Կամենդատյան Պետք է վերջ տալ մեր ժողովրդի մեջ սերմանվող ատելությանը. Դավիթ ՀակոբյանՄարզային բժշկուհուն մեղադրանք է առաջադրվել 28-30 շաբաթական հղիության ապօրինի ընդհատման գործով
Տնտեսություն

Հայ բնապահպանները մտահոգված են հանքարդյունաբերության ոլորտում ՎԶԵԲ-ի ներդրումային քաղաքականությամբ․ Իսկ Արցա՞խը

Մի շարք երկրների բնապահպաններ միացել են սեպտեմբերի 15-ին CEE Bankwatch Network-ի՝ Վերակառուցման և զարգացման եվրոպական բանկին ուղղված նամակին, որում կոչ են անում վերանայել հանքարդյունաբերության ոլորտում 2024-28 թվականների ներդրումային ռազմավարությունը։ 

Հայաստանի, Վրաստանի, Ադրբեջանի, Ուկրաինայի, Մոնղոլիայի, Ալբանիայի, Բոսնիա և Հերցեգովինայի, Ուզբեկստանի և Ուգանդայի բնապահպանական ՀԿ-ները ՎԶԵԲ-ին կոչ են անում նախապաետվություն տալ փակ արտադրական ցիկլով աշխատող տնտեսություններին, ուշադրություն դարձնել արդյունաբերկան թափոնների կրճատմանն ու դրանց հնարավոր վերամշակմանը, բացառել հանքարդյունաբերական ներդրումներն այնպիսի երկրներում, որոնք չեն պահպանում միջազգային բնապահպանական օրենքները, սահմանել արգելված տարածքներ և արգելված տեխնոլոգիաներ, երաշխավորել բնակչության իրազեկվածությունն ու համաձայնությունը։ 

Նամակին, որի վերաբերյալ հրապարակման մեջ Bankwatch-ը օգտագործել է Հայաստանի հանքերից մեկի համայնապատկերը, հայ բնապահպանական կազմակերպություններից միացել են «ԷկոԼուր» տեղեկատվական ՀԿ-ն, «Հայկական բնապահպանական ճակատ» նախաձեռնությունը, «Հայ կանայք հանուն առողջության և առողջ շրջակա միջավայրի» ՀԿ-ն և «Կանաչ Հայաստան» կրթական, բնապահպանական ՀԿ-ն:

Հիշեցնենք, որ Ադրբեջանը մշտապես, իսկ վերջին տարիներին առավել լայնամասշտաբ տեղեկատվական գրոհներ է իրականացնում Հայաստանի տնտեսության և հատկապես հանքարդյունաբերության ոլորտի նկատմամբ։ Այս համատեքստում հայաստանյան ՀԿ-ների՝ այս նամակին միանալը ոչ միանշանակ է ընկալվում։ Հատկապես, որ վերջիններս խուսափում են Արցախի հարցով դիրքորոշում հայտնելուց, թեկուզ ադրբեջանցի «էկոակտիվիստների» հակամարդկային գործողության տեսանկյունից։

Հայ բնապահպանական համայնքի մոտեցումներն ու առաջնահերթությունները պարզելու նպատակով NEWS.am-ը փորձեց կապ հաստատել նամակին միացած ՀԿ-ների ներկայացուցիչների հետ։

«ԷկոԼուր» տեղեկատվական հասարակական կազմակերպության ղեկավար Ինգա Զարաֆյանն ասաց, որ իրենք ՎԶԵԲ-ի ռազմավարությունները դիտարկում են 2008 թվականից և մեկնաբանություններ անում․ «Այս նամակով մենք պաշտպանում ենք մեր երկրի շահերը, որպեսզի ներդրումներ չլինեն հանքարդունաբերության, մասնավորապես՝ նավթի և գազի ոլորտում, որոնք հիմնականում ստանում են Ադրբեջանն ու Ռուսաստանը։ Հայաստանն այս նամակում շատ քիչ մասնաբաժին ունի»։

Նկատենք, որ նամակում նավթի ու գազի արդյունահանման մասին որևէ առանձին կետ չկա, խոսքը գնում է ընդհանուր հանքարդյունաբերության ոլորտի մասին։ Բացի այդ, ինչպես արդեն նշեցինք, Bankwatch-ը նամակի մասին հրապարակման մեջ օգտագործում է հայաստանյան հանքի համայնապատկեր, ավելին, նյութում բերված մի քանի օրինակներից մեկը վերաբերում է հենց այդ հանքին․ Ադրբեջանի, և առհասարակ նավթի ու գազի մասին ոչ մի խոսք։

«Հայ կանայք հանուն առողջության և առողջ շրջակա միջավայրի» հասարակական կազմակերպության ղեկավար Ելենա Մանվելյանը մեզ հետ զրույցում ասաց, որ իրենց ստորագրությունը նամակին դեռ ամիսներ առաջ են ուղարկել․ «Մենք այսօր չենք միացել նախաձեռնությանը։ Իհարկե այսօր այլ առաջնահերթություններ կան»։

Անդրադառնալով հարցին, թե ինչու են միացել նամակին՝ Մակարյանը նշեց․ «Մեր կազմակերպության անդամները հիմնականում բնապահպան-բժիշկներ են, հաճախ ենք երթևեկում Սևանի մայրուղով դեպի եր թիրախային գյուղեր, տեսնում ենք, թե ինչ փոշի է այնտեղ բարձրանում, որը վնասում է տեղի բնակչությանը։ Բացի այդ, մեզ բավականին մտահոգում է մեր երկրի լանդշաֆտի սպանությունը»։

Կրկին նշենք, որ Հայաստանում «բնապահպանական խնդիրների» հարցը ոչ թե 7 շաբաթ է, 3 ամիս է կամ 1 տարի, այլ առնվազն 3 տարի ակտիվ շահարկվում է Ադրբեջանի կողմից և օգտագործվում որպես հնարավոր ագրեսիայի հիմնական առիթներից մեկը։ Այս առումով նամակը «ամիսներ առաջ» ստորագրած լինելու փաստարկը որևէ կերպ չի արդարացնում Ադրբեջանի օրակարգն առաջ տանող այս քայլը։

«Հայկական բնապահպանական ճակատ» նախաձեռնության ներկայացուցիչը, ով չցանկացավ ներկայանալ, ասաց, որ իրենք ոչինչ չեն որոշել, պարզապես միացել են նամակին։ Լրագրողի նկատառմանը, որ նախաձեռնությունը միացել է, հետևաբար համակարծիք է, ներկայացուցիչը պատասխանեց․ «Ես չեմ կարող պատասխանել, կազմակերպիչներին դիմեք այդ հարցերով»։

Որպես ամփոփում նշենք, որ նամակին հատկապես ակտիվ միացել են հայ (4 կազմակերպություն) և ուկրաինացի (6) բնապահպանները։ Ադրբեջանական կողմից ստորագրել է միայն 1 ՀԿ, այն էլ աշխատողների իրավունքներով զբաղվող։