ՀՀ-ում Ֆրանսիայի դեսպան Օլիվյե Դեկոտինյին X-ում կիսվել է Politico պարբերականի՝ երկրի արտադրած ռազմական տեխնիկայի վերաբերյալ ծավալուն հոդվածով՝ ընդգծելով, որ Ֆրանսիան ունի ռազմական տեխնիկա, որը բոլորն ուզում են ձեռք բերել, և Ֆրանսիան այն տրամադրում է Հայաստանին:
Politico-ն նշում է, որ Ֆրանսիայի նախագահ Էմանուել Մակրոնի ճնշման արդյունքում երկրի պաշտպանական արտադրությունն ուժեղացվել է՝ ի պատասխան Ուկրաինայում պատերազմի և Եվրոպայի ռազմական ոլորտի արդիականացման անհրաժեշտության, ինչպես նաև ամբողջ աշխարհում պահանջարկի աճի ֆոնին:
Նշվում է, որ Փարիզից մոտ 50 կիլոմետր դեպի հարավ գտնվող գործարանը ցանկանում է կրկնապատկել Ֆրանսիայի ամենավաճառվող ռազմական սարքավորումներից մեկի՝ Thales ընկերության Ground Master օդային հսկողության ռադարների արտադրությունը, քանի որ դրանց պահանջարկը մեծ է:
Դրանք նախագծված են օդային սպառնալիքները՝ ռեակտիվ կործանիչներ, հրթիռներ և ուղղաթիռներ հայտնաբերելու համար: Դրանք նաև ունեն նոր հնարավորություններ, որոնք թույլ են տալիս տարբերակել անօդաչու թռչող սարքերը թռչուններից: 30 միլիոն եվրո արժողությամբ GM 400 Alpha-ն կարող է օբյեկտները տեսնել 500 կիլոմետր հեռավորության վրա: GM 200-ներն ունեն ավելի կարճ հեռահարություն՝ 250 կիլոմետրից մինչև 350 կիլոմետր:
Նշվում է, որ Thales ընկերությունը, որը համատեղ վերահսկվում է պետության և կործանիչներ արտադրող Dassault Aviation-ի կողմից, Եվրոպայում ռադարների արտադրության ոլորտի առաջատարն է և աշխարհում երրորդը ԱՄՆ-ի Lockheed Martin-ից և Raytheon-ից հետո:
Ներկայում ընկերությունը տարեկան արտադրում է 10 ռադար, սակայն թիրախը տարեկան 20-ից ավելի ցուցանիշին հասնելն է:
Հոդվածում նշվում է, որ Thales-ի օդային հսկողության ռադարները նաև հանդիսանում են նախկինում Ռուսաստանի տիրապետության տակ գտնվող երկրների հետ պաշտպանական կապերի խորացմանն ուղղված Ֆրանսիայի ջանքերի հիմնական բաղկացուցիչը:
Անցած ամիսներին Փարիզը երեք GM 200 է վաճառել Հայաստանին, մեկը՝ Մոլդովային:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Քաղաքական «մարտեր առանց կանոնների». «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան