Վարչախումբը հարվածում է փաստաբաններին, որ ընդդիմադիրներին զրկի օգնությունից
Գործող վարչախումբը հիմա էլ նոր օրենսդրական նախաձեռնություն է ներկայացրել, Հայաստանի հանրային կյանքի ամենաակտիվ զանգվածին՝ փաստաբաններին, հարվածելու համար։
Կառավարությունն Ազգային ժողով է ներկայացրել հարկային օրենսգրքի փոփոխություններ, ինչը բողոքի լայն ալիքի պատճառ է դարձել և փաստաբաններն այսօր մեկօրյա գործադուլ են հայտարարել՝ չներկայանալով դատարաններ ու քննչական ծառայություններ։
Գործող օրենքի համաձայն՝ փաստաբանների մի մասը, որոնց տարեկան շրջանառությունն անցնում է 119 միլիոն դրամը, վճարում են թե՛ ավելացված արժեքի հարկ, թե՛ շահութահարկ։ Ավելի պակաս վաստակողները, որոնք մեծամասնություն են փաստաբանների պալատում, վճարում են 5 % շրջանառության հարկ։
Կառավարությունն առաջարկում է հունվարից հանել 5 %-ը և փոխարենը բոլորից գանձել ավելացված արժեքի հարկ 20 %, գումարած 18 % էլ՝ շահութահարկ։
Նախագծին բացասական եզրակացություն են տվել թե՛ Մարդու իրավունքների պաշտպանը, թե՛ անգամ արդարադատության նախարարությունը, բայց դա չի խանգարել, որպեսզի փաշինյանական վարչախումբը նախագիծն ուղարկի Ազգային ժողով, խմբակցությանն էլ հրահանգի դակել այն, և գլխավոր շահառուներին՝ փաստաբաններին, չեն էլ կանչել նախագծի քննարկմանը, իսկ այդ նախագիծն անցնելու դեպքում հանրության մի ստվար զանգված զրկվելու է որակյալ իրավաբանական օգնություն ստանալու հնարավորությունից։ Խոցելի խավերի համար էլ փաստաբանները կարող են դառնալ անհասանելի, քանի որ անվճար օգնություն կիրառելու դեպքում նույնիսկ պարտավոր են սեփական գրպանից գումարներ, հարկեր վճարել նույնիսկ անվճար ծառայության պարագայում։
Փաստաբաններն արդարացիորեն դժգոհում են, այսօր նաև մամուլի ասուլիս են տվել։ Իրականում, ըստ մեր աղբյուրների, փաշինյանական վարչախմբի կողմից նման նախագծի ներկայացումը մեկ էական նպատակ է հետապնդում։ Հատկապես այսօր, երբ իրավապահ մարմինները ակտիվորեն հետապնդում են քաղաքացիներին իրենց քաղաքացիական կեցվածքի և ընդդիմադիր գործունեության համար, երկիրն էլ սահուն քայլերով վերածվում է ոստիկանական բռնապետության, գործող իշխանությունները ցանկանում են մարդկանց զրկել իրավաբանական օգնություն ստանալու հնարավորությունից, ինչպես նաև օրվա ցանկացած պահի բերման ենթարկվելուց կամ ձերբակալվելուց հետո, փաստաբանի դիմելու հնարավորությունից։
Այս կերպ, քաղաքացիների գրպանին հարվածելով, փորձում են նրանց նաև ետ պահել քաղաքական գործընթացներին մասնակցելու հնարավորությունից:
Մանե Նասիբյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Քաղաքական «մարտեր առանց կանոնների». «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան