Արևմուտքի և Ռուսաստանի պայքարը Հայաստանի համար սրվում է
Արևմուտքի և Ռուսաստանի պայքարը Հայաստանի համար նոր ուշագրավ դրսևորումներ է ստանում։ Վերջին օրերին Երևանում է գտնվում ԱՄՆ փոխպետքարտուղար Ռիչարդ Վերման, որը մասնակցել է հայ-ամերիկյան համաժողովին, հանդիպումներ է ունեցել արտգործնախարար Արարատ Միրզոյանի, վարչապետի պաշտոնը զբաղեցնող Նիկոլ Փաշինյանի և այլ անձանց հետ։
Հանդիպումներից մեկը չափազանց ուշագրավ է, ճաշի սեղանի շուրջ Վերման հանդիպում է ունեցել Հայաստանում Եվրամիության դեսպան Մարագոսի, Ֆրանսիայի և այլ դիվանագետների հետ, որոնց ինքը Վերման անվանում է համախոհ դեսպաններ։
Թե ո՞րն է պատճառը, որ ԱՄՆ բարձրաստիճան դիվանագետը Երևանում հանդիպում է ունենում այլ երկրների դիվանագետների հետ հաղորդագրության մեջ չի նշվում, փոխարենը ուշագրավ է այնքանով, որ ամերիկյան կողմն իր ազդեցությունը տարածելու համար օգտվում է նաև Եվրամիության ռեսուրսներից։
ԱՄՆ-ից ետ չի մնում նաև Ֆրանսիան, Հայաստանին «Կեսար» հրետանի մատակարարելու պայմանագրից հետո, հարյուր հայտնի գործիչներ նամակ են հղել Էմանուել Մակրոնին՝ կոչ անելով Հայաստանում ֆրանսիական զոորախումբ տեղակայել Ադրբեջանից բխող սպառնալիքները չեզոքացնելու համար։ Իհարկե, չափազանց բարդ կլինի Հայաստանում ֆրանսիական զորախումբ տեղակայելը, թեպետ Փաշինյանը ցանկության և հանձնարարության դեպքում նույնիսկ պատրաստ կլինի գնալ դրան, եթե վստահ լինի, որ այդ կերպ կկարողանա շարունակել իր պաշտոնավարումը։
Ռուսաստանից ևս կոչեր են հնչում, ընդ որում հատկապես վերջին օրերին բավականին մեղմ տոնայնությամբ։ ԱՊՀ գլխավոր քարտուղար Սերգեյ Լեբեդևը հայտարարել է, թե ԱՊՀ-ից դուրս գալու, կամ դրանում իր մասակցությունը թուլացնելու ցանկության մասին որևէ ազդանշան չի հղել։ Լեբեդևը ուշադրություն է հրավիրել ՀԱՊԿ-ին անդամակցելու վերաբերյալ Երևանի հայտարարություններին, նշել, թե ԱՊՀ և ԵԱՏՄ մասով Հայաստանն իր հարևանների հետ շարունակելու է փոխգործակցությունը, իսկ մինչ այդ, հայ-ռուսական առևտրաշրջանառությունը շարունակում է աճել։
Եթե նախորդ տարվա հունվար-ապրիլ ամիսներին Հայաստան-Ռուսաստան առևտրաշրջանառությունը երկու անգամ է գերազանցել Հայաստանի ԵՄ առևտրաշրջանառությանը, ապա այս տարվա 4 ամիսներին այդ ցուցանիշը հասել է գրեթե 9 անգամի։
Մարինա Ոսկանյան
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Վարկային և քրեական համաներում՝ հանուն սոցիալական արդարության․ Հրայր Կամենդատյան
Մեր երկրի պատմությունը շատ դաժան է եղել, բայց շնորհիվ մեր ամուր գենետիկ կոդի` մենք ունենալու ենք լավ...
Կուրթան. խնդիրներից դեպի լուծումներ․ Նարեկ Կարապետյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Գիտելիք և փորձ՝ հանուն էներգետիկայի ոլորտի զարգացման. վերապատրաստվել է 70 մասնագետ
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...
«Ողորմություն խնդրողի» կեցվածքով պետություն չես պահի. «Փաստ»