Հուլիսի 31-ին Հայ Առաքելական Սուրբ եկեղեցու Գուգարաց թեմի «Ծիծեռնակ» ճամբարում մեկնարկեց հերթական ամենամյա ամառային ճամբարային տարին
Հուլիսի 31-ին Հայ Առաքելական Սուրբ եկեղեցու Գուգարաց թեմի «Ծիծեռնակ» ճամբարում մեկնարկեց հերթական ամենամյա ամառային ճամբարային տարին։ Ճամբարը հիմնադրվել է Գուգարաց թեմի երջանկահիշատակ առաջնորդ ՝Սեպուհ արքեպիսկոպոս Չուլջյանի նախաձեռնությամբ և ջանքերով։ Այն այս տարի բարեկարգվել և նորոգվել էր Գուգարաց թեմի և անձամբ նրա առաջնորդ՝Հովնան եպիսկոպոս Հակոբյանի ջանքերի շնորհիվ՝ հայ բարեպաշտ մարդկանց աջակցությամբ։ Ճամբարի բացումը իր ներկայությամբ պատվեց և ճամբարականներին ու ներկաներին օրհնության խոսք հղեց Գուգարաց թեմի Գերաշնորհ հոգևոր առաջնորդը։ Ճամբարականները ճաշակեցին հանուն Հայկական պետության և պետականության, նրա ապագա հաղթանակների ու վերափոխման համար, Գուգարաց թեմի և ՀՀԿ հոգևոր-մշակութային, գիտակրթական հանձնաժողովը կողմից կազմակերպված և մատուցված Սուրբ մատաղը։ Ապա ավանդական ճամբարային տողանին ճամբարական յոթը ջոկատները ճամբարի տնօրեն Սևակ Սարգսյանին զեկուցեցին իրենց մասնակցության մասին։
Ամառային ճամբարի ընթացքում ճամբարականները ձեռք են բերում հայրենաճանաչություն, ծանոթանում հայկական հոգևոր-մշակութային արժեքներին, Հայ Առաքելական Սուրբ եկեղեցու տոներին և սրբազան ավանդություններին, որը կարևոր է մեր ժողովրդի հայրենապաշտ և ազգասեր նորահաս սերնդին քրիստոնեական արժեքներով և հավատով կրթության ու դաստիարակության համար։ Այդ նպատակով ՀՀԿ հոգևոր-մշակութային, գիտակրթական հանձնաժողովը Գուգարաց թեմի հետ կազմակերպել էր նաև «Սա՛ Հայաստան է և վերջ» խորագրով համերգը։
Համերգային երեկոյին բացման խոսքով հանդես եկավ ՀՀԿ հոգևոր-մշակութային, գիտակրթական հանձնաժողովի նախագահ՝ Վոլոդյա Գասպարյանը, որն իր խոսքում հատկապես կարևորեց ճամբարի դերը նորահաս սերնդի հայրենասիրական կրթության և դաստիարակության մեջ։
Երեկոյին բանախոսությամբ հանդես եկավ և երեկոն վարեց մշակութային գործիչ, ռեժիսոր Ռուբեն Հովհաննիսյանը։
Իրենց մասնակցությունն էին բերել և հեղինակային երգերի կատարումներով համերգային երեկոյին հանդես եկան ՀՀ վաստակավոր արտիստներ՝Շուշան Պետրոսյանը, Դավիթ Ամալյանը, նրա որդին՝ Արման Ամալյանը, Արմեն Ներսիսյանը և Գոռ Մեծոյանը, նաև Վանաձոր քաղաքի «Տաթև» մշակութային կենտրոնի պարախումբը։
Երեկոյին ներկա էր ԱԺ պատգամավոր Տիգրան Աբրահամյանը։
Բազմաթիվ հյուրեր և մշակութային գործիչներ, ճամբարականների ծնողներ ,այդ օրը վայելեցին Հայոց Հայրենիքի և Հայ Առաքելական Սուրբ եկեղեցու մշտարթուն զինվոր և հավատքի պահապան արտիստների լավագույն կատարումները։
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Մեր երկրի պատմությունը շատ դաժան է եղել, բայց շնորհիվ մեր ամուր գենետիկ կոդի` մենք ունենալու ենք լավ...
Վարկային և քրեական համաներում՝ հանուն սոցիալական արդարության․ Հրայր Կամենդատյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Գիտելիք և փորձ՝ հանուն էներգետիկայի ոլորտի զարգացման. վերապատրաստվել է 70 մասնագետ
Կուռթանի բնակիչը` Ուժեղ Հայաստանի անդամների հետընտրական այցի մասին
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...
«Ողորմություն խնդրողի» կեցվածքով պետություն չես պահի. «Փաստ»