Իրանին պատերազմ պետք չէ, իսկ Իսրայելը կրկին սրելու է իրավիճակը
Ամերիկյան Politico պարբերականի տեղեկություններով, Իրանի իշխանությունները կարող են մտքափոխվել Իսրայելի վրա զանգվածային հարձակման հարցում։ Հրապարակման մեջ ասվում է, որ վերջին օրերին Բայդենի վարչակազմն աշխատել է դիվանագիտական ուղիներով՝ ներգրավելով իր մերձավոր արևելյան դաշնակիցներին ու համոզելով Թեհրանին՝ վերանայել Իսրայելի վրա ռազմական հարձակման իր որոշումը։
ԱՄՆ-ի երկու բարձրաստիճան պաշտոնյա ասել են, որ իրենք զգուշացրել են Իրանին, որ զանգվածային հարվածը միայն կբորբոքի լարվածությունը և կարող է հանգեցնել երկու երկրների միջև ուղիղ առճակատման: Պարբերականը նշում է, որ ԱՄՆ պաշտոնյաներն ասել են, որ ակնկալում են իրանական որոշակի պատասխան Իսմայիլ Հանիեի սպանությանը, սակայն Թեհրանը, կարծես, մտափոխվել է, և ԱՄՆ-ն մոտ ապագայում մեծ հարձակում Իսրայելի վրա չի ակնկալում:
Մի քանի օր շարունակ մամուլը գուժում է, որ Իրանը 24, 48 կամ 72 ժամերի ընթացքում մեծ հարձակում է գործելու Իսրայելի վրա։ Շատ վերլուծաբաններ էլ նկատում էին, որ նոր հարձակումն առանձնապես չի տարբերվելու ապրիլին ձախողված հրետակոծությունից, երբ Թեհրանը սեփական դեմքը փրկելու համար մի քանի հարյուր հրթիռ արձակեց Իսրայելի ուղղությամբ, որոնք գրեթե բոլորն էլ խոցվել էին օդում։ Իսրայելը, սեփական շահերից ելնելով սրում է իրավիճակը Մերձավոր Արևելքում՝ փորձելով ներքաշել նաև իր դաշնակից ԱՄՆ-ին ու ՆԱՏՕ-ի այլ երկրների, իսկ ոչ Իրանին, ոչ տարածաշրջանի որևէ այլ երկրի լայնածավալ պատերազմ անհրաժեշտ չէ։
Միևնույն ժամանակ, Թեհրանը սեփական դեմքը փրկելու լրջագույն խնդիր ունի, իսկ բուն Թեհրանում, Իսլամական հեղափոխության պահապանների կորպուսի պահպանության տակ գտնվող բնակելի համալիրում «ՀԱՄԱՍ»-ի առաջնորդի ոչնչացումը ռեպուտացիոն ծանր հարված էր Իրանի համար։
Այժմ էլ, ըստ ամենայնի, կամ դեմքը փրկելու մեղմ գործողություն կիրականացնեն, կամ էլ, ինչ-ինչ պատճառաբանություններ բերելով, որևէ քայլի չեն դիմի։ Խնդիրն այն է, որ նույնիսկ դա չի հանգստացնելու Իսրայելին, որը շարունակելու է քչփորել մեղվի բույնը։
Հեղինե Ոսկանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Տարադրամի փոխարժեքները դեկտեմբերի 27-ին
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...
Շիրակի մարզում, Արագածի, Թալինի, Հրազդանի, Չարենցավանի, Ստեփանավանի, Սպիտակի, Վանաձորի, Իջևանի, Բերդ...