Էկոնոմիկայի նախարարը այցելել է «Սպայկա» ընկերություն
ՀՀ Էկոնոմիկայի նախարար Գևորգ Պապոյանն այցելել է Երևանի Նորագավիթ թաղամասում գործող ջերմոցային համալիր։ Այցին մասնակցել է նաև նախարարի տեղակալ Արման Խոջոյանը։
Ջերմոցային համալիրը հիմնադրվել է «Սպայկա» ընկերության կողմից 2018 թվականին՝ 50 հեկտար մակերեսով և 800 աշխատատեղերով։ Ընկերության ղեկավարների ուղեկցությամբ նախարարը շրջել է համալիրի տարածքով, ծանոթացել արտադրական ծավալներին, ժամանակակից տեխնոլոգիաներով հագեցած գործընթացներին, որոնք ապահովում են օպտիմալ միկրոկլիմա բույսերի մշակման համար և ուղղված են էներգիայի ռեսուրսների արդյունավետ օգտագործմանը:
Ջերմոցային համալիրի առանցքային առանձնահատկություններից է բույսերի պաշտպանության համար միայն բիոլոգիական միջոցների կիրառումը, ինչի շնորհիվ արտադրվում է էկոլոգիապես մաքուր, եվրոպական չափանիշներին համապատասխան բանջարեղեն:
Նախարարն ընդգծել է նման ներդրումների կարևորությունը գյուղատնտեսության ոլորտի առաջընթացի, պարենային անվտանգության ապահովման, արտադրանքի որակի բարձրացման, տնտեսական աճի խթանման, ինչպես նաև աշխատատեղերի ստեղծման գործում։
Հաջորդ կանգառը եղել է «Սպայկա» ագրոհոլդինգի ժամանակակից տեխնոլոգիաներով հագեցած գործարան՝ կապույտ բորբոսով պանրի և կաթնամթերքի այլ տեսականու ավելի քան 2 000 տոննա տարեկան արտադրողականությամբ։
15 000 000 դոլար ներդրումով գործարանը ստեղծել է 120 աշխատատեղ, իսկ արտադրական հոսքագիծը թույլ է տալիս արտադրել բորբոսով պանիրների ողջ տեսականին: Արտադրանքը սպառվելու է ԵԱՏՄ-ում և Մերձավոր Արևելքի երկրներում, իսկ մթերվող կաթի որակը ԵՄ կարգավորումներին համապատասխանելուց հետո նաև Եվրոպայում:
Նախարարն այցելել է նաև ընկերության Երևանում գտնվող սառնարանային համալիր, որտեղ պահպանվում է ավելի քան 15 000 տոննա թարմ պտուղ-բանջարեղեն՝ նոյեմբեր - մայիս ամիսներին արտահանելու համար։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Տարադրամի փոխարժեքները դեկտեմբերի 27-ին
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...
Շիրակի մարզում, Արագածի, Թալինի, Հրազդանի, Չարենցավանի, Ստեփանավանի, Սպիտակի, Վանաձորի, Իջևանի, Բերդ...