Իրանը կոշտացնում է դիրքորոշումները
Իրանը կոշտացնում է իր դիրքորոշումները տարածաշրջանի երկրների, այդ թվում՝ Հայաստանի նկատմամբ։ Իրանի ԱԳՆ պաշտոնական ներկայացուցիչ Նասեր Քանաանին հայտարարել է, թե Իրանը դրական չի վերաբերվում Հայաստանում ԱՄՆ ներկայությանը: Իրանցի դիվանագետը նշել է, որ Իրանի և Հայաստանի հարաբերությունները բավականին սերտ են և կառուցողական։ «Սակայն մենք հավանություն չենք տալիս տարածաշրջանում ԱՄՆ ներկայությանը։ Այդ կապակցությամբ մենք մեր մտահոգությունն ենք հայտնել մեր հայ գործընկերներին»,- նշել է Իրանի ԱԳՆ պաշտոնական ներկայացուցիչը։
Թերևս, սա առաջին անգամն է, որ Թեհրանից նման տոնայնությամբ են արտահայտվում ԱՄՆ ներկայության մասին։ Ամերիկա-իրանյան բարդ հարաբերությունների պայմաններում այդ երկու երկրները երբեք խնդիրներ չեն հարուցել Հայաստանի համար՝ հասկանալով, որ առանց այդ շփումների Հայաստանի համար չափազանց բարդ է լինելու։ ԱՄՆ-ն, օրինակ, Իրանի հետ ՀՀ շփումների հարցում ավելի մեղմ դիրքորոշումներ է ունեցել, քան այլ երկրների պարագայում։ Իսկ այսօր, Իրանից հնչող նման հայտարարությունը կարելի է լուրջ զգուշացում, կողմնորոշվելու պահանջ դիտարկվել:
Անվտանգության հարցերով փորձագետ, ԱԺ պատգամավոր Տիգրան Աբրահամյանի գնահատմամբ, Իրանի ԱԳՆ-ից հնչող անհանգստությունը` տարածաշրջանում ԱՄՆ ներկայության վերաբերյալ, բազմաթիվ մտորումների առիթ է տալիս: «Իրանական կողմը փակագծերը չի բացել և չի մանրամասնել, թե մասնավորապես ինչո՞վ է պայմանավորված իր անհանգստությունը, սակայն կարելի է ենթադրել, որ արտաքուստ տեսանելի պրոցեսներից բացի կան կամ ուրվագծվում են իրադարձություններ, որոնք իրանական կողմի համար ռիսկեր են առաջացնում: Այն, որ ՀՀ-ում ամերիկյան (հավաքական Արևմուտքի) ազդեցությունն աճել է` դա տեսանելի է և ակնհայտորեն դա տեղի է ունեցել ՌԴ-ի հաշվին: Իրանի անհանգստության բազմաթիվ պատճառներ կարող են լինել` ՀՀ իշխանության նկատմամբ անվստահությունից մինչև հետախուզական տվյալներ, որոնք խոսում են ԱՄՆ դերակատարման այնպիսի ընդլայնման մասին, որն Իրանի համար սպառնալիք է դիտվում»,- նկատել է պատգամավորը:
44-օրյա պատերազմի ընթացքում Իրանի պահվածքը, իհարկե, լուրջ վերապահումների տեղիք է տալիս, բայց Թեհրանը չափազանց կարևոր նշանակություն ունի թե՛ տնտեսական, թե՛ քաղաքական առումով, և պաշտոնական Երևանը պարտավոր է հաշվի առնել նրա մտահոգությունները, առնվազն փարատել դրանք։
Հեղինե Օրդյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Երբ ջնջվում է... ոգին. «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...