Հայկական մուրաբայից մինչև ղազախական շոկոլադ. Մոսկվայում բացվել է «Եվրասիա» առաջին ցանցային խանութը
Մոսկվայում բացվել է առաջին ցանցային խանութը, որ ներկայացնում է ապրանքներ Հայաստանից, Բելառուսից, Ղազախստանից, Մոլդովայից, Ռուսաստանից և այլ երկրներից։ Վաճառքից ստացված հասույթն ուղղվելու է «Եվրասիա» ինքնավար ոչ առևտրային կազմակերպության սոցիալական ծրագրերի իրականացմանը։
«Այսօր մեր առաջին «Եվրասիա» խանութը բացվեց Մոսկվայի կենտրոնում։ Այստեղ ներկայացված են ապրանքներ հետխորհրդային երկրներից: Միակ տեղը, որտեղ մեր արտադրանքը իսկապես անհրաժեշտ է և կարելի է վաճառել նորմալ գնով, դա ռուսական շուկան է։ Վստահ եմ, որ Մոսկվայի բնակիչներն ու հյուրերը կգնահատեն մեր լավագույն ապրանքների ընտրությունը: Մենք կշարունակենք և կընդլայնենք արդյունավետ համագործակցությունը Ռուսաստանի և այլ երկրների հետ», - ասել է «Եվրասիա» ինքնավար ոչ առևտրային կազմակերպության հոգաբարձուների խորհրդի անդամ, «Պոբեդա» քաղաքական դաշինքի առաջնորդ Իլան Շորը։
«Եվրասիա» խանութը գտնվում է Սմոլենսկայա փողոցում՝ Ռուսաստանի արտաքին գործերի նախարարության շենքի դիմաց: Այն բացվել է «Եվրասիա» առևտրի կենտրոնի աջակցությամբ։ Այստեղ ներկայացված է ազգային մթերքների հարուստ տեսականի՝ մոլդովական մրգեր և բանջարեղեն, հայկական բամիա, ջեմ, ձավարեղեն, դոշաբ, ղազախական շոկոլադ, հալվա, ուզբեկական լոլիկ և չրեր, բելառուսական կաթնամթերք և շատ ավելին։
«Եվրասիա» ինքնավար ոչ առևտրային կազմակերպության աջակցությամբ նախատեսվում է մանրածախ վաճառքի կետեր բացել տարբեր երկրներում, որոնք կկարողանան ընդլայնել իրենց արտադրանքի իրացման աշխարհագրությունը։
«Ոգեշնչված նոր պատժամիջոցներից՝ մենք որոշեցինք չսահմանափակվել դրանցով և ակտիվացրինք փոխգործակցությունը եվրասիական 8 երկրների՝ մեր հարևանների հետ։ Մեր «Եվրասիա» խանութ-սրճարանը Մոսկվայի կենտրոնում առաջարկում է ազգային ապրանքներ և ուտեստներ, որոնցով հայտնի են եվրասիայկան երկրները։ Եվ սա դեռ սկիզբն է»,- ասել է Պետդումայի պատգամավոր, «Եվրասիա» ինքնավար ոչ առևտրային կազմակերպության խորհրդի նախագահ Ալյոնա Արշինովան։
«Եվրասիա»-ն շահույթ չհետապնդող կազմակերպություն է, որն իրականացնում է մարդասիրական ծրագրեր՝ ուղղված ազգամիջյան հաղորդակցության զարգացմանը։ «Եվրասիայի» նպատակն է ուժեղացնել ինտեգրացիոն գործընթացները հետխորհրդային տարածքում՝ պահպանելով ժողովուրդների ազգային ինքնությունը։ Կազմակերպության հիմնական ուղղություններից է դպրոցականներին, ուսանողներին, երիտասարդ մասնագետներին աջակցելը։ Այն ներառում է կրթական ծրագրեր, փոխանակումներ, պրակտիկա խոշոր պետական և մասնավոր բարձր տեխնոլոգիաների ընկերություններում և մեդիա դպրոցում: «Եվրասիա»-ն տրամադրում է նաև մասնագիտական հարթակներ և ֆորումներ ուսուցիչների և դասախոսների համար, դրամաշնորհներ լրագրողների և բլոգերների համար, բիզնես առաքելություններ՝ ապրանքներ վաճառելու և ձեռներեցների համար գործընկերներ գտնելու համար, աջակցություն պատմության և մշակույթի պահպանման ոլորտում նախագծերին:
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Վարկային և քրեական համաներում՝ հանուն սոցիալական արդարության․ Հրայր Կամենդատյան
Մեր երկրի պատմությունը շատ դաժան է եղել, բայց շնորհիվ մեր ամուր գենետիկ կոդի` մենք ունենալու ենք լավ...
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Ու՞մ շահերից էր գործում Փաշինյանը փաստացի փչացնելով հարաբերությունները․ հարցում
Գիտելիք և փորձ՝ հանուն էներգետիկայի ոլորտի զարգացման. վերապատրաստվել է 70 մասնագետ
«Ողորմություն խնդրողի» կեցվածքով պետություն չես պահի. «Փաստ»
Կան մարդիկ, որոնց հանդիպելուց հետո երկար ժամանակ չես կարողանում ազատվել այն ջերմությունից, որ թողնու...
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...