Հայաստանում նշվել է աստղագիտության օրը
Հայաստանում նշվել է աստղագիտության օրը, որը համընկել է 20-րդ դարի հայ ականավոր աստղագետ և աստղաֆիզիկոս, տեսական աստղաֆիզիկայի հիմնադիրներից Վիկտոր Համբարձումյանի ծննդյան օրվա հետ:
Վիկտոր Համբարձումյանի անվան Բյուրականի աստղադիտարանում «Եվրասիա» ինքնավար ոչ առևտրային կազմակերպության կողմից կազմակերպվել է հուշ-ցերեկույթ, որին մասնակցել են երեխաներ տարբեր ուսումնական հաստատություններից՝ Պոլիտեխնիկական համալսարանի քոլեջից, Պուշկինի անվան ավագ դպրոցից, Չայկովսկու անվան դպրոցից, Շիրակացու անվան ավագ դպրոցից, Հերացու անվան ավագ դպրոցից: Սկզբում երեխաներին ցույց են տվել աստղադիտարանը ու նաև տարածաշրջանի ամենամեծ աստղադիտակը:
Վիկտոր Համբարձումյանը Բյուրականի աստղադիտարանի առաջին տնօրենն էր և այդ պաշտոնում աշխատել է մինչև 1988 թվականը։ Անվանի գիտնականը մահացել է Բյուրականում և հուղարկավորվել է այնտեղ՝ մեծ աստղադիտակի աշտարակի մոտ։ Աստղադիտարանը նրա անունով է կոչվել 1998թ.: Բյուրականի աստղադիտարանը հենց սկզբից համալրվել է իր ժամանակի նորագույն սարքավորումներով։
Ավելին, 1950 թվականից հենց տեղում սկսվել է ռադիոաստղադիտակների արտադրությունը։
Բյուրականում մինչ այժմ գտնվում են նախկին ԽՍՀՄ-ի և Եվրոպայի ամենահզոր աստղադիտակները, և այստեղ են գալիս գիտնականներ ոչ միայն Հայաստանից, այլև Ռուսաստանից և աշխարհի այլ երկրներից: Աստղադիտարանը ակտիվ է նաև գիտահանրամատչելի ոլորտում՝ կազմակերպելով ամառային դպրոցներ երիտասարդների համար և աստղագիտության հետ կապված մշակութային ծրագրեր։
Միջոցառման մասնակիցներն այցելել են նաև Վիկտոր Համբարձումյանի տուն-թանգարան, որից հետո աստղադիտարանի տնօրեն Արեգ Միքայելյանը դասախոսություն է կարդացել:
«Եվրասիա» ՀԿ-ն շահույթ չհետապնդող կազմակերպություն է, որն իրականացնում է մարդասիրական ծրագրեր՝ ուղղված ազգամիջյան հաղորդակցության զարգացմանը։ «Եվրասիա»-ի նպատակը հետխորհրդային տարածքում ինտեգրացիոն գործընթացների ամրապնդումն է՝ պահպանելով ժողովուրդների ազգային ինքնությունը։
Կազմակերպության գլխավոր ուղղություններից մեկը դպրոցականներին, ուսանողներին, երիտասարդ մասնագետներին աջակցելն է:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Տարադրամի փոխարժեքները դեկտեմբերի 27-ին
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...
ՊՆ պաշտոնատար անձինք մեղադրվում են խոշոր չափերի հափշտակության մեջ. նախաքննությունն ավարտվել է