Երևանին՝ «Եվրասիայից». երիտասարդական ֆլեշմոբ՝ նվիրված հայոց մայրաքաղաքի 2806-ամյակին
Երևանի «Հաղթանակ» զբոսայգում՝ «Մայր Հայաստան» հուշարձանի մոտ, տեղի է ունեցել երիտասարդական ֆլեշմոբ՝ նվիրված Երևան քաղաքի հիմնադրման 2806-ամյակին: Ֆլեշմոբը կազմակերպել էր «Եվրասիա» ԻՀԿ-ն:
«Սա հայ երիտասարդների նվերն է մեր սիրելի Երևանին, և այս գեղեցիկ ակցիային մասնակցել է ավելի քան 1000 ուսանող», - պատմում է «Եվրասիա» ՀԱՄ-ի խորհրդի անդամ Միքայել Բադալյանը:
Այս տարի Հայաստանի մայրաքաղաքը դառնում է 2806 տարեկան, և այդ օրվա կապակցությամբ Ֆլեշմոբի մասնակիցները կանգնել են այդ թվին համապատասխան, ինչը հատկապես գեղեցիկ էր թռչնի թռիչքի բարձրությունից:
Միջոցառմանը մասնակցում էին Հայաստանի և Արցախի տարբեր դպրոցների, քոլեջների, համալսարանների հարյուրավոր աշակերտներ և ուսանողներ: Արցախցի փոքրիկներն իրենց երաժշտական կատարումներով շնորհավորեցին մայրաքաղաք Երևանի 2806-րդ ամյակը։
«Եվրասիա» ՀԱՄ-ի խորհրդի անդամ Միքայել Բադալյանը պատմել է, որ կազմակերպությունը նպատակ ունի ստեղծել ազգային ինքնության և ավանդական արժեքների պահպանման հարթակ:
«Այս ակցիան ցույց տվեց, թե ինչ մեծ թվով երիտասարդներ են պատրաստ մեզ հետ նույն ուղղությամբ գնալ», – եզրափակել է Բադալյանը:
Ֆլեշմոբի ավարտին մասնակիցները ծաղիկներ խոնարհեցին «Անմար կրակի» հուշահամալիրի առջև:
«Եվրասիա» ինքնավար ոչ առևտրային կազմակերպությունը ստեղծվել է հետխորհրդային տարածքում քաղաքացիների շահերի առաջխաղացման համար: Այն զբաղվում է երիտասարդների, ուսուցիչների և լրագրողների համար ծրագրերի իրականացմամբ, պրակտիկայի և բիզնես առաքելությունների անցկացմամբ, ինչպես նաև կրթական ճամբարներով և մեդիա սրահներով:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Տարադրամի փոխարժեքները դեկտեմբերի 27-ին
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...